ວັນທີ 24 ເມສານີ້, ທ່ານເຊັດຢັດ ໂນວານໂຕ ອະດີດປະທານສະພາແຫ່ງຊາດອິນໂດເນເຊຍທີ່ມີສ່ວນກ່ຽວຂ້ອງ ການສົມຮູ້ຮ່ວມຄິດກັບຄົນອື່ນຍັກຍອກເງິນທຶນສາທາລະນະຂອງໂຄງການບັດປະຈຳຕົວເອເລັກໂຕຣນິກ ຈິ່ງຖືກສານອາຍາສໍ້ລາດບັງຫຼວງຈາກາຕາຕັດສິນຕັດອິດສະລະພາບເປັນເວລາ 15 ປີ, ສົ່ງຄືນເງິນຂອງກາງ 7 ລ້ານ 3 ແສນໂດລາສະຫະລັດ ແລະຖືກປັບໄໝ 500 ລ້ານຣູເປຍ.
ອົງການໄອຍະການອິນໂດເນເຊຍໄດ້ກ່າວວ່າເຈົ້າໜ້າທີ່ລັດຖະບານ 80 ຄົນເຊິ່ງລວມທັງທ່ານເຊັດຢັດ ໂນວານໂຕ ພ້ອມດ້ວຍວິສາຫະກິດຈຳນວນໜຶ່ງໄດ້ຍັກຍອກເງິນທຶນຂອງໂຄງການນີ້ ແລະທ່ານໂນວານໂຕໄດ້ມີລາຍໄດ້ຜິດກົດໝາຍປະມານ 7 ລ້ານ 4 ແສນໂດລາສະຫະລັດຈາກໂຄງການເຮັດບັດປະຈຳຕົວເອເລັກໂຕຣນິກ, ໃນເອກະສານກ່າວຟ້ອງຂອງຂອງອົງການໄອຍະການໄດ້ສະແຫວງຫາການຕັດສິນຕັດອິດສະຫຼະພາບທ່ານໂນວານໂຕ 16 ປີ.
ສື່ມວນຊົນອິນໂດເນເຊຍລາຍງານໃນທ້າຍປີ 2009 ວ່າ, ລັດຖະບານອິນໂດເນເຊຍໄດ້ວາງແຜນວ່າເລີ່ມແຕ່ປີ 2010 ເປັນຕົ້ນໄປ, ເຜີຍແຜ່ການນຳໃຊ້ບັດປະຈຳຕົວເອເລັກໂຕນິກທີ່ອີງໃສ່ເຕັກນິກຈຳແນກສິ່ງທີ່ມີຊີວິດໃນຂອບເຂດທົ່ວປະເທດ ທັງສ້າງຖານຂໍ້ມູນປະຊາກອນທົ່ວປະເທດ,ຮອດປີ 2012 ເຮັດໃຫ້ພົນລະເມືອງທຸກຄົນໄດ້ໃຊ້ບັດປະຈຳຕົວແບບນີ້ຢ່າງທົ່ວເຖິງ.
 |
