ວັນທີ 25 ເມສານີ້, ທ່ານ ສຕີເຟັນ ດູຈາຣິກ ໂຄສົກເລຂາທິການໃຫຍ່ອົງການສະຫະປະຊາຊາດກ່າວວ່າ, ທ່ານ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດເຫັນວ່າສັນຍາຮອບດ້ານວ່າດ້ວຍອາວຸດນິວເຄລຍຂອງອີຣານມີຄວາມສຳຄັນຫຼາຍ,ຄວນໄດ້ຮັບການປົກປັກຮັກສາແລະການເພີ່ມທະວີ.
ທ່ານ ສຕີເຟັນ ດູຈາຣິກ ກ່າວວ່າ: "ພວກຂ້າພະເຈົ້າຕ້ອງປົກປັກຮັກສາໂຄງປະກອບບໍ່ແຜ່ຜາຍອາວຸດນິວເຄລຍບົນພື້ນຖານຜົນສຳເລັດທີ່ສຳຄັນນີ້ ເປັນສິງຮັບຮອງທີ່ແຂງແກ່ນເຖິງຄວາມໝັ້ນຄົງຂອງໂລກພວກເຮົາ."
ທ່ານ ໂດນັນ ທຣຳ ປະທານາທິບໍດີອາເມລິກາໄດ້ປະກາດໃນເດືອນມັງກອນປີນີ້ວ່າ, ການແກ່ຍາວເວລາຂອງການຍົກເວັ້ນການຂວ້ຳບາດຕໍ່ບັນຫານິວເຄລຍຂອງອີຣານຄັ້ງສຸດທ້າຍແມ່ນຮອດວັນທີ 12 ພຶດສະພາໜ້ານີ້ ແລະໄດ້ຮຽກຮ້ອງໃຫ້ສະຫະພາບເອີຣົບແລະລັດຖະສະພາຂອງອາເມລິກາດັດແກ້ສັນຍາວ່າດ້ວຍອາວຸດນິວເຄລຍຂອງອີຣານ,ເພີ່ມເນື້ອໃນຕ່າງໆເຊັ່ນ: ການຈຳກັດການພັດທະນາຂີປະນາວຸດຂອງອີຣານແລະອື່ນໆ. ທ່ານຍັງໄດ້ກ່າວວ່າຖ້າຮອດເວລານັ້ນບໍ່ມີແຜນການດັດແກ້ທີ່ເຮັດໃຫ້ຕົນພໍໃຈ, ອາເມລິກາກໍ່ຈະຖອນອອກຈາກສັນຍາວ່າດ້ວຍອາວຸດນິວເຄລຍຂອງອີຣານ.
 |
