ວັນທີ 25 ເມສານີ້, ທ່ານບັກໄຕຮຸນ ໂຄສົກກະຊວງທ້ອນໂຮມປະເທດເປັນເອກະພາບ ສ ເກົາຫຼີກ່າວຕໍ່ບັນຫາການພົບປະລະຫວ່າງປະມຸກລັດ ສ ເກົາຫຼີ ແລະສປປ ເກົາຫຼີທີ່ຈະຈັດຂຶ້ຶ້ນໃນໄວໆນີ້ວ່າ: ສອງຝ່າຍກຳລັງດຳເນີນການເຈລະຈາກ່ຽວກັບບັນຫາສຳຄັນ ຄື: ການປອດນິວເຄຼຍຂອງແຫຼມເກົາຫຼີ, ການສ້າງກົນໄກສັນຕິພາບແບບຍືນຍົງຂອງແຫຼມເກົາຫຼີ, ການພັດທະນາສາຍພົວພັນ ແລະອື່ນໆ.
ທ່ານກ່າວຕື່ມວ່າ: ເນື້ອໃນລະອຽດຂອງການເຈລະຈາໃນຄັ້ງນີ້ຈະບໍ່ເປີດເຜີຍໃນປັດຈຸບັນ. ເມື່ອເບິ່ງຈາກສະພາບການພົບປະລະຫວ່າງປະມຸກລັດສອງປະເທດສອງຄັ້ງໃນເມື່ອກ່ອນແລ້ວເຫັນວ່າ, ເຖິງແມ່ນວ່າສອງຝ່າຍຈະເຮັດວຽກງານກະກຽມຫຼາຍຢ່າງຢ່າງລ່ວງໜ້າກໍຕາມ, ແຕ່ເນື້ອໃນປຶກສາຫາລືທີ່ຜູ້ນຳສອງປະເທດປະສານງານກັນເອງນັ້ນຈະເປັນສ່ວນໃຫຍ່ໃນການເຈລະຈາ.
 |
