ກອງປະຊຸມສຸດຍອດອາຊຽນຄັ້ງທີ 32 ແລະ ບັນດາກອງປະຊຸມທີ່ກ່ຽວຂ້ອງໄດ້ຈັດຂຶ້ນຢູ່ສິງກະໂປໃນວັນທີ 25 ເມສານີ້ ເຊິ່ງຜູ້ນຳ ແລະ ຜູ້ແທນຈາກ 10 ປະເທດອາຊຽນຈະປຶກສາຫາລືເຮັດແນວໃດ ເພື່ອຊຸກຍູ້ການພັດທະນາຢ່າງມີຫົວຄິດປະດິດສ້າງ, ສ້າງເຄືອຂ່າຍຕົວເມືອງສະໝາດ, ເພີ່ມທະວີການຮ່ວມມືທາງຄວາມໝັ້ນຄົງອິນເຕີເນັດ ແລະ ອື່ນໆ.
ກະຊວງການຕ່າງປະເທດສິງກະໂປ ປະເທດປະທານໝູນວຽນອາຊຽນປະຈຳປີ 2018 ໄດ້ອອກຖະແຫຼງການວ່າ, ຜູ້ນຳບັນດາປະເທດອາຊຽນຈະປິ່ນອ້ອມຫົວຂໍ້ກອງປະຊຸມ "ສາມັກຄີຢ່າງເດັດດ່ຽວໜຽວແໜ້ນ ແລະ ສະແຫວງຫາການປ່ຽນແປງດ້ວຍຫົວຄິດປະດິດສ້າງ" ໂດຍໄດ້ປຶກສາຫົວຂໍ້, ສິ່ງທ້າທາຍ ແລະ ໂອກາດທີ່ອາຊຽນຄວນແກ້ໄຂກ່ອນໝູ່ ແລະ ແລກປ່ຽນຄວາມເຫັນກ່ຽວກັບສະຖານະການພາກພື້ນ ແລະ ສາກົນ.
ນັບແຕ່ວັນທີ 25 ຫາ 27 ເມສານີ້, ເຈົ້າໜ້າທີ່ 10 ປະເທດອາຊຽນຈະຈັດຫຼາຍກອງປະຊຸມ ເຊິ່ງລວມທັງກອງປະຊຸມສະພາມົນຕີປະຊາຄົມການເມືອງ-ຄວາມໝັ້ນຄົງອາຊຽນ, ກອງປະຊຸມສະພາມົນຕີປະຊາຄົມເສດຖະກິດອາຊຽນ ແລະ ກອງປະຊຸມລັດຖະມົນຕີການຕ່າງປະເທດອາຊຽນ.
 |
