ພິທີເປີດນຳໃຊ້ມະຫາວິທະຍາໄລກຣາຕີຂອງກຳປູເຈຍທີ່ຈີນຊ່ວຍເຫຼືອກໍ່ສ້າງໄດ້ຈັດຂຶ້ນຢູ່ແຂວງກຣາຕີຂອງກຳປູເຈຍໃນວັນທີ 25 ເມສານີ້ ເຊິ່ງຈະເປີດສັງກາດໃໝ່ແຫ່ງການພັດທະນາການສຶກສາຢູ່ເຂດຕາເວັນອອກສຽງເໜືອຂອງກຳປູເຈຍ.
ທ່ານຮຸນເຊັນ ນາຍົກລັດຖະມົນຕີກຳປູເຈຍໄດ້ກ່າວປາໄສໃນພິທີ ແລະ ສະແດງຄວາມຂອບໃຈຕໍ່ຈີນໃນການຊ່ວຍເຫຼືອກໍ່ສ້າງໃນຄັ້ງນີ້ ໂດຍກ່າວວ່າ, ມະຫາວິທະຍາໄລກຣາຕີແມ່ນຜົນສຳເລັດໃໝ່ທີ່ກຳປູເຈຍຍາດມາໄດ້ໃນສະໄໝສັນຕິພາບທີ່ໄດ້ມາບໍ່ງ່າຍ. ທຶນຊ່ວຍເຫຼືອສ້າງມະຫາວິທະຍາໄລແຫ່ງນີ້ຂອງຈີນໄດ້ເປັນການປະກອບສ່ວນສຳຄັນຕໍ່ການພັດທະນາຊັບພະຍາກອນມະນຸດຂອງກຳປູເຈຍ.
ຂ່າວແຈ້ງວ່າ, ມະຫາວິທະຍາໄລກຣາຕີແມ່ນມະຫາວິທະຍາໄລສັງລວມຂອງລັດແຫ່ງທຳອິດຢູ່ພາກຕາເວັນອອກສຽງເໜືອຂອງກຳປູເຈຍ ເຊິ່ງຈັດໃຫ້ມີຂະແໜງວິຊາກະສິກຳ, ການປຸງແຕ່ງກະສິກຳ, ການຄົ້ນຄວ້າການປະມົງ, ພາສາຕ່າງປະເທດ, ວິທະຍາສາດເຕັກໂນໂລຊີຂໍ້ມູນຂ່າວສານ ແລະ ອື່ນໆ.
 |
