ຕາມຂ່າວ CRI: ວັນທີ 26 ເມສານີ້ ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນໄດ້ເປັນປະທານຈັດກອງປະຊຸມສຳມະນາກ່ຽວກັບການຊຸກຍູ້ການພັດທະນາເສດຖະກິດຢູ່ລຽບຕາມແມ່ນ້ຳຢາງຊີກຽງ ໂດຍເນັ້ນໜັກວ່າ, ການຊຸກຍູ້ການພັດທະນາເຂດເສດຖະກິດຢູ່ລຽບຕາມແມ່ນ້ຳຢາງຊີກຽງແມ່ນການຕັດສິນທີ່ສຳຄັນຂອງສູນກາງພັກ, ແມ່ນຍຸດທະສາດສຳຄັນທີ່ສຸດທີ່ພົວພັນເຖິງສະພາບລວມຂອງການພັດທະນາແຫ່ງຊາດ. ການທີ່ຊຸກຍູ້ເຂດເສດຖະກິດຢູ່ລຽບຕາມແມ່ນ້ຳຢາງຊີກຽງໃນສະຖານະການໃໝ່ ສຳຄັນແມ່ນຕ້ອງກຳກັບຫຼາຍດ້ານໃຫ້ດີ, ເຊັ່ນວ່າຕ້ອງໃຫ້ຊຸກຍູ້ການພັດທະນາແບບກວມລວມພົພວັນກັບການບຸກທະລຸຂໍ້ຍາກສຳຄັນ, ການອະນຸລັກສິ່ງແວດລ້ອມກັບການພັດທະນາເສດຖະກິດ,ສ້າງຄວາມສາມາດການພັດທະນາແບບໃໝ່, ແກ້ໄຂການພົວພັນລະຫວ່າງການພັດທະນາໂດຍຕົນເອງແລະການພັດທະນາແບບປະສານສົມທົບກັນ, ຍຶດຖືແນວຄິດການພັດທະນາແບບໃໝ່, ຍຶດໝັ້ນຫຼັກການເຮັດວຽກທີ່ກ້າວໄປໜ້າໃນທ່າມກາງຄວາມໝັ້ນຄົງ.
 |
