ທ່ານນາງເຊຊີເລຍ ມານສະຕຣອມ ກຳມະການຄະນະກຳມະການການຄ້າອີຢູ ກ່າວຢູ່ນະຄອນຫຼວງເຮນຊິນກີ ປະເທດແຟງລັງ ໃນວັນທີ 26 ເມສານີ້ວ່າ: ຖ້າເກີດສົງຄາມການຄ້າ, ບໍ່ວ່າໃຜກໍຕາມ ກໍຈະປະສົບຄວາມເສຍຫາຍໝົດ ສະນັ້ນ, ອີຢູກໍຈະພະຍາຍາມເພື່ອຫຼີກລ່ຽງບໍ່ໃຫ້ເກີດສົງຄາມການຄ້າ.
ຂະນະທີ່ກ່າວເຖິງຄວາມຂັດແຍ້ງກັນດ້ານການຄ້າລະຫວ່າງຈີນແລະອາເມລິກາ, ທ່ານ ນາງເຊຊີເລຍ ມານສະຕຣອມ ກ່າວວ່າ: ຕາບໃດຄວາມຂັດແຍ້ງການຄ້າລະຫວ່າງຈີນ-ອາເມລິກາຮ້າຍແຮງຂຶ້ນຕື່ມ ແລະພາໃຫ້ເກີດສະພາບອັນຕະລາຍ, ປະເທດຕ່າງໆທີ່ໄດ້ເຊື່ອມໂຍງກັບຕ່ອງໂສ້ມູນຄ່າທົ່ວໂລກຢ່າງເລິກເຊິ່ງແລ້ວນັ້ນ ກໍຈະປະສົບຄວາມເສຍຫາຍ. ຂະນະທີ່ອີຢູຈະເຈລະຈາກັບອາເມລິກາພຽງແຕ່ໃນຂອບອົງການການຄ້າໂລກເທົ່ານັ້ນ.
ທ່ານນາງເຊຊີເລຍ ມານສະຕຣອມ ກ່າວຕື່ມວ່າ: ປັດຈຸບັນ, ຫຼາຍປະເທດທີ່ເຊື່ອໝັ້ນຕໍ່ການຄ້າເສລີ ໄດ້ແຍກທາງກັບອາເມລິກາແລ້ວ ແລະບາງກຸ່ມເສດຖະກິດກໍໄດ້ເລີ່ມລົງມືຊຸກຍູ້ການເຈລະຈາການຄ້າເສລີທີ່ບໍ່ມີອາເມລິກາເຂົ້າຮ່ວມ.
