ວັນທີ 26 ເມສານີ້, ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດປະກາດວ່າ ຈະແຕ່ງຕັ້ງທ່ານນາງ ຄຣິສຕິນາ ສກຣາເນີ ເບີເກີເນີ ເຈົ້າໜ້າທີ່ທາງການທູດຂອງສະວິສເປັນທູດວິສາມັນກ່ຽວກັບບັນຫາມຽນມາຂອງຕົນ.
ມື້ແຕ່ງຕັ້ງທ່ານນາງ ເບີເກີເນີ ພໍດີຖືກກັບມື້ກ່ອນຜູ້ຕາງໜ້າສະພາຄວາມໝັ້ນຄົງສະຫະປະຊາຊາດເດີນທາງໄປມຽນມາແລະບັງກລາເດັດເພື່ອປະເມີນສະຖານະການສິດທິມະນຸດສະທຳທ້ອງຖິ່ນ. ນັບແຕ່ເດືອນສິງຫາປີ 2017 ເປັນຕົ້ນມາ ຢູ່ລັດຍະໄຂ່ປະເທດມຽນມາໄດ້ເກີດການໂຈມຕີຫຼາຍຄັ້ງ ສົ່ງຜົນເຮັດໃຫ້ມີປະຊາຊົນເສຍຊີວິດໄປແລ້ວ 100 ກວ່າຄົນ ແລະໄດ້ເຮັດໃຫ້ຊາວໂຣຮິງຢາທ້ອງຖິ່ນຂ້າມແດນເຂົ້າສູ່ບັງກລາເດັດເປັນຈຳນວນຫຼວງຫຼາຍ.
ທ່ານນາງ ຄຣິສຕິນ ສກຣາເນີ ເບີເກີເນີ ເກີດທີ່ເມີລີເກີນປະເທດສະວິສເມື່ອປີ 1963, ໄດ້ຮັບໃບຢັ້ງຢືນປະລິຍາຕີນິຕິສາດຂອງມະຫາວິທະຍາໄລຈູຣິກ, ເຮັດວຽກການທູດຫຼາຍກວ່າ 25 ປີ, ກ່ອນໄດ້ຮັບການແຕ່ງຕັ້ງເປັນທູດວິສາມັນກ່ຽວກັບບັນຫາມຽນມາຂອງເລຂາທິການໃຫຍ່ອົງການສະຫະປະຊາຊາດ ທ່ານເຄີຍໄດ້ດຳລົງຕຳແໜ່ງເອກອັກຄະລັດຖະທູດສະວິສປະຈຳປະເທດໄທແລະເອກອັກຄະລັດຖະທູດສະວິສປະຈຳປະເທດເຢຍລະມັນຕາມດຳລັບ.
 |
