ວັນທີ 26 ເມສານີ້, ສະມາຄົມເຄື່ອງຫຼິ້ນອິນໂດເນເຊຍໄດ້ສ້າງຕັ້ງສຳນັກງານຕົວແທນຂຶ້ນຢູ່ນະຄອນກວາງໂຈ່ວ ເພື່ອສ້າງເວທີແລກປ່ຽນລະຫວ່າງວິສາຫະກິດເຄື່ອງຫຼິ້ນຈີນ ແລະອິນໂດເນເຊຍ, ຊຸກຍູ້ການຮ່ວມມື ແລະແລກປ່ຽນຢ່າງເລິກເຊິ່ງທາງດ້ານຍີ່ຫໍ້ເຄື່ອງຫຼິ້ນ, ການສົ່ງເສີມການຈຳໜ່າຍ, ເຕັກນິກ, ການຄ້າ, ການລົງທຶນ, ການຜະລິດ ແລະອື່ນໆ.
ທ່ານສຸດເຈຍດີ ລູຄາສ ປະທານສະມາຄົມເຄື່ອງຫຼິ້ນອິນໂດເນເຊຍກ່າວວ່າ: ສະມາຄົມຕົນໄດ້ສຸມໃສ່ການແລກປ່ຽນ ແລະການປະສານກັນລະຫວ່າງວິສາຫະກິດກັບລັດຖະບານ, ເພື່ອຊຸກຍູ້ການພັດທະນາຂອງວົງການເຄື່ອງຫຼິ້ນອິນໂດເນເຊຍ, ເປັນສະມາຄົມເຄື່ອງຫຼິ້ນທີ່ມີອິດທິພົນໃຫຍ່ທີ່ສຸດຂອງອິນໂດເນເຊຍ. ຫວັງວ່າໃນໂອກາດສ້າງຕັ້ງສຳນັກງານຕົວແທນຢູ່ຈີນ ແລະການເຊັນສັນຍາການຮ່ວມມືຍຸດທະສາດກັບບໍລິສັດງານວາງສະແດງເຂດຊົວທາວແຂວງກວາງຕຸ່ງຢ່າງເປັນທາງການໃນຄັ້ງນີ້ຈະເປັນການສົ່ງເສີມການແລກປ່ຽນ ແລະການຮ່ວມມືຂອງສອງປະເທດດ້ານເຕັກນິກອຸດສາຫະກຳເຄື່ອງຫຼິ້ນເດັກນ້ອຍໃຫ້ສົມບູນກວ່າເກົ່າ.
 |
