ວັນທີ 27 ເມສານີ້, ຄະນະກຳມະການກຸ່ມບໍລິສັດສະໜາມບິນໄທໄດ້ອະນຸມັດແຜນປັບປຸງແລະຂະຫຍາຍສະໜາມບິນສາກົນດອນເມືອງບາງກອກ,ສະໜາມບິນສາກົນຊຽງໃໝ່ແລະສະໜາມບິນສາກົນຊຽງລາຍ ໂດຍຈະລົງທຶນທັງໝົດ 49 ຕື້ 400 ລ້ານບາດໃນຫຼາຍປີຕໍ່ໜ້າເພື່ອປັບປຸງຍົກລະດັບສະໜາມບິນ 3 ແຫ່ງນີ້.
ໄປຄຽງຄູ່ກັບເສດຖະກິດໄທພັດທະນາແລະນັກທ່ອງທ່ຽວສາກົນເຂົ້າມາທ່ຽວປະເທດໄທຫຼາຍຂຶ້ນຢ່າງຕໍ່ເນື່ອງ, ອຸປະກອນແລະສິ່ງກໍ່ສ້າງຂອງສະໜາມບິນ 3 ແຫ່ງທີ່ມີຢູ່ໃນປັດຈຸບັນບໍ່ສາມາດຕອບສະໜອງກັບຄວາມຕ້ອງການທີ່ນັບມື້ເພີ່ມຂຶ້ນ ຈິ່ງຈຳເປັນຕ້ອງມີການປັບປຸງຍົກລະດັບຢ່າງຮີບດ່ວນ.
ຕາມແຜນການ, ໂຄງການຂະຫຍາຍສະໜາມບິນດອນເມືອງບາງກອກຈະລົງທຶນ 35 ຕື້ບາດ ໃນໄລຍະການກໍ່ສ້າງເລີ່ມແຕ່ປີນີ້ຫາປີ 2024, ໃນນີ້, ອາຄານສາງມ້ຽນເຄື່ອງໃນປັດຈຸບັນຈະຖືກມ້າງເພື່ອສ້າງໃຫ້ເປັນອາຄານໂດຍສານແຫ່ງໃໝ່. ພາຍຫຼັງສຳເລັດການກໍ່ສ້າງໂຄງການນີ້ແລ້ວ, ຈະສາມາດແກ້ໄຂບັນຫາຄວາມແອອັດຂອງອາຄານໂດຍສານ ແລະສາມາດຮອງຮັບຜູ້ໂດຍສານເຖິງ 40 ລ້ານເທື່ອຄົນຕໍ່ປີ.
 |
