ຕາມຂ່າວສານຊິ່ນຮວາ: ກອງປະຊຸມສຸດຍອດອາຊຽນຄັ້ງທີ 32 ທີ່ຈັດຂຶ້ນຢູ່ສິງກະໂປໄດ້ປິດປະຊຸມໃນວັນທີ 28 ເມສານີ້. ໃນງານຖະແຫຼງຂ່າວທີ່ຈັດຂຶ້ນຫຼັງກອງປະຊຸມ, ທ່ານລີຊຽນລຸງ ນາຍົກລັດຖະມົນຕີສິງກະໂປກ່າວວ່າ, ກອງປະຊຸມສຸດຍອດຄັ້ງນີ້ໄດ້ບັນລຸໝາກຜົນຫຼາຍຢ່າງ, ເຊິ່ງມີຈຸດປະສົງເພື່ອເພີ່ມທະວີຄວາມເຂັ້ມແຂງແລະຫົວຄິດປະດິດສ້າງຂອງອາຊຽນ.
ທ່ານລີຊຽນລຸງ ກ່າວວ່າ, ກອງປະຊຸມໄດ້ບັນລຸໝາກຜົນ 3 ຢ່າງ. ຄື: ທີໜຶ່ງແມ່ນ ຕອນຄ່ຳວັນທີ 27 ເມສານີ້ ຜູ້ນຳບັນດາປະເທດອາຊຽນໄດ້ຮ່ວມກັນປະກາດເອກກະສານວິໄສທັດກ່ຽວກັບການສ້າງອາຊຽນໃຫ້ມີຄວາມເຂັ້ມແຂງແລະການປະດິດສ້າງໃໝ່ໃນ, ອັນໄດ້ຢືນຢັນອີກເທື່ອໜຶ່ງເຖິງຫຼັກການສຳຄັນທີ່ສຸດຂອງການຮ່ວມມືອາຊຽນ ແລະໄດ້ບັນລະຍາຍວິໄສທັດຮ່ວມກັນຂອງປະເທດສະມາຊິກອາຊຽນຕ່າງໆຢ່າງຈະແຈ້ງ. ທີສອງແມ່ນໄດ້ສ້າງເຄືອຂ່າຍຕົວເມືອງທັນສະໄໝຂອງອາຊຽນ, ທີສາມແມ່ນຜູ້ນຳປະເທດອາຊຽນໄດ້ອອກຖະແຫຼງການກ່ຽວກັບຄວາມປອດໄພທາງເວັບໄຊ້.
ກອງປະຊຸມຕ່າງໆຂອງອາຊຽນຄັ້ງນີ້ໄດ້ຈັດຂຶ້ນໃນວັນທີ 25 ເມສານີ້. ແຕ່ວັນທີ 25 ຫາວັນທີ 27 ເມສານີ້, ເຈົ້າໜ້າທີ່ປະເທດອາຊຽນຕ່າງໆໄດ້ເຂົ້າຮ່ວມກອງປະຊຸມສະພາມົນຕີປະຊາຄົມເສດຖະກິດອາຊຽນ, ກອງປະຊຸມ ສະພາມົນຕີປະຊາຄົມການເມືອງ-ຄວາມໝັ້ນຄົງອາຊຽນ, ກອງປະຊຸມລັດຖະມົນຕີການຕ່າງປະເທດອາຊຽນແລະກອງປະຊຸມອື່ນໆ.
 |
