ຫວ່າງກ່ອນນີ້ບໍ່ດົນ, ອົງການສາກົນເພື່ອອະນຸລັກນົກໄດ້ປະກາດ "ບົດລາຍງານສະພາບການປະເພດນົກທົ່ວໂລກ 2018" ໂດຍກ່າວວ່າ, ໃນປະເພດນົກທີ່ໂລກໄດ້ຮັບຮູ້ເປັນຈຳນວນ 1,1ໝື່ນປະເພດນັ້ນ, ມີ 40% ພວມຫຼຸດໜ້ອຍລົງ, ໃນນັ້ນມີຈຳນວນໜຶ່ງເປັນນົກປະເພດທົ່ວໄປ.
ບົດລາຍງານດັ່ງກ່າວຊີ້ອອກວ່າ, ໃນປະເພດນົກທີ່ຈຳນວນຫຼຸດໜ້ອຍລົງຢ່າງໃຫຍ່ນັ້ນ, ບໍ່ພຽງແຕ່ມີນົກແນວພັນທີ່ຫາຍາກເທົ່ານັ້ນ, ຍັງມີຫຼາຍປະເພດແມ່ນປະເພດທີ່ເຫັນເລື້ອຍໆ.
ບົດລາຍງານເຫັນວ່າ, ກະສິກຳແບບລວມສູນເປັນສາເຫດຕົ້ນຕໍທີ່ກະທົບເຖິງການດຳລົງຄົງຕົວຂອງນົກໃນທົ່ວໂລກ, ໂດຍການເພີ່ມເນື້ອທີ່ດິນປູກຝັງເຮັດໃຫ້ສະຖານທີ່ເພີ່ງພາອາໄສຂອງນົກຫຼຸດໜ້ອຍລົງ, ການນຳໃຊ້ສານເຄມີຊະນິດຕ່າງໆໄດ້ສ້າງມົນລະພິດຕໍ່ສິ່ງແວດລ້ອມການດຳລົງຄົງຕົວຂອງນົກ.
ນອກນີ້, ການຕັດປ່າທົ່ວທີບ, ການລ່ວງລ້ຳຂອງແນວພັນສັດສາວາສິ່ງພາຍນອກ, ການລ່າສັດແບບຜິດລະບຽບການ, ແລະການເຄື່ອນໄຫວຂອງມະນຸດລ້ວນແຕ່ເປັນສາເຫດສຳຄັນທີ່ເຮັດໃຫ້ການດຳລົງຄົງຕົວຂອງນົກທົ່ວໂລກຜະເຊີນກັບໄພຂົ່ມຂູ່.
 |
