ຟິລິບປິນປະກາດຫ້າມສົ່ງແຮງງານໄປໂກແວັດອີກ

ວັນທີ 29 ເມສານີ້, ທ່ານດູເດີເຕ ປະທານາທິບໍດີຟິລິບປິນອອກຖະແຫຼງການ, ໂດຍໄດ້ຫ້າມສົ່ງແຮງງານຟິລິບປິນໄປໂກແວັດອີກ.

ທ່ານດູເດີເຕກ່າວວ່າ, ລັດຖະບານຟິລິບປິນຈະອອກແຮງສຸດຂີດເພື່ອຊ່ວຍເຫຼືອຜູ້ແຮງງານຟິລິບປິນທີ່ຢູ່ໂກແວັດກັບຄືນສູ່ປະເທດແລະຈັດຕັ້ງຖິ່ນຖານຄືນໃໝ່ໃຫ້ເຂົາເຈົ້າ. ທ່ານຊີ້ອອກວ່າ ປັດຈຸບັນ ປະເທດຟິລິບປິນມີເສດຖະກິດທີ່ດີ, ຄຽງຄູ່ກັບລັດຖະບານໄດ້ເລີ່ມສ້າງໂຄງການພື້ນຖານໂຄງລ່າງຂະໜາດໃຫຍ່, ຈະຕ້ອງການກຳມະກອນຊຳນິຊຳນານເຂົ້າຮ່ວມການກໍ່ສ້າງ.

ທ່ານຍັງກ່າວວ່າ, ການຂະຫຍາຍຕົວຂອງສະພາບທີ່ກ່ຽວຂ້ອງຂອງໂກແວັດ, ກຳລັງທົດສອບຄຳໝັ້ນສັນຍາການຮ່ວມມືລະຫວ່າງຟິລິບປິນກັບໂກແວັດ.   ກ່ອນນີ້ ສື່ມວນຊົນລາຍງານວ່າ, ຊາວຟິລິບປິນຫຼາຍກວ່າ 2 ແສນ 6 ໝື່ນຄົນເຮັດວຽກຢູ່ໂກແວດ, ໃນນັ້ນສ່ວນຫຼາຍເປັນຄົນໃຊ້ຄອບຄົວຊາວໂກແວັດ.