ວັນທີ 29 ເມສານີ້, ທ່ານໄມ ພອມພີວ ລັດຖະມົນຕີການຕ່າງປະເທດຄົນໃໝ່ຂອງອາເມລິກາທີ່ພວມຢ້ຽມຢາມອາລາບີ ຊາວູດິດໄດ້ກ່າວວ່າ, ຖ້າບໍ່ດັດແກ້ສັນຍາກ່ຽວກັບນິວເຄຼຍອີຣານ, ອາເມລິກາຈະຖອນອອກຈາກສັນຍາສະບັບນີ້.
ມື້ດຽວກັນ, ທ່ານພອມພີວໄດ້ຈັດການເຈລະຈາກັບສະເດັດຊາເອີເມິນ ບິນ ອັບດູລາຊິສ ອານ ຊອດ ເຈົ້າຊີວິດອາລາບີ ຊາວູດິດກ່ຽວກັບການພົວພັນລະຫວ່າງສອງຝ່າຍ, ສະຖານະການພາກພື້ນແລະສາກົນ. ໃນກອງປະຊຸມຂ່າວເວລາສັ້ນທີ່ຈັດຂຶ້ນຮ່ວມກັບທ່ານອາເຕວ ອານ ຈູເບຍ ລັດຖະມົນຕີການຕ່າງປະເທດອາລາບີ ຊາວູດິດ ຫຼັງການເຈລະຈາ , ທ່ານພອມພີວໄດ້ຕິຕຽນອີຣານສະໜອງອາວຸດໃຫ້ອົງການປະກອບອາວຸດຮຸສຊີເລເບວຂອງເຢແມັນ, ແຊກແຊງວຽກງານຊີຣີແລະອີຣັກ, ຈົນວ່າເປັນການຂົ່ມຂູ່ຕໍ່ຄວາມປອດໄພແລະສະຖຽນລະພາບຂອງທົ່ວພາກພື້ນ.
ໃນກອງປະຊຸມຂ່າວ ທ່ານຈູເບວກ່າວວ່າ, ອາລາບີ ຊາວູດິດສະໜັບສະໜູນນະໂຍບາຍຂອງອາເມລິກາຕໍ່ອີຣານເຕັມສ່ວນ, ທັງຮຽກຮ້ອງໃຫ້ໃຊ້ການລົງໂທດທີ່ເຄັ່ງຂັດກວ່າເກົ່າຕໍ່ອີຣານ.
 |
