（ສປ ຈີນ ແລະ ສ ໂດມີນິກາສ້າງສາຍພົວພັນທາງການທູດ）
ຕອນເຊົ້າວັນທີ 1 ພຶດສະພານີ້ ທ່ານວາງອີ້ ທີ່ປຶກສາແຫ່ງລັດ ລັດຖະມົນຕີກະຊວງການຕ່າງປະເທດຈີນ ແລະທ່ານມີເກວ ວາກັສ ໂມໂດນາໂດ ລັດຖະມົນຕີກະຊວງການຕ່າງປະເທດໂດມີນິກາໄດ້ເຊັນ ຖະແຫຼງການຮ່ວມກ່ຽວກັບ ສປ ຈີນ ແລະສ ໂດມີນິກາສ້າງສາຍພົວພັນທາງການທູດ ໂດຍມີເນື້ອໃນຫຼັກຄືດັ່ງນີ້:
ສາທາລະນະລັດປະຊາຊົນຈີນແລະສາທາລະນະລັດໂດມີນີກາ ອີງຕາມຜົນປະໂຫຍດແລະຄວາມປາຖະໜາຂອງປະຊາຊົນສອງປະເທດ ຕົກລົງຮັບຮອງເຊິ່ງກັນແລະກັນ ແລະສ້າງສາຍພົວພັນທາງການທູດລະດັບເອກອັກຄະລັດຖະທູດນັບແຕ່ມື້ເຊັນຖະແຫຼງການສະບັບນີ້ເປັນຕົ້ນໄປ.
ລັດຖະບານສອງປະເທດເຫັນດີຂະຫຍາຍການພົວພັນມິດຕະພາລລະຫວ່າງສອງປະເທດບົນພື້ນຖານທີ່ເຄົາລົບອະທິປະໄຕ ແລະຜືນແຜ່ນດິນອັນຄົບຖ້ວນເຊິ່ງກັນແລະກັນ, ບໍ່ລ່ວງລ້ຳເຊິ່ງກັນແລະກັນ, ບໍ່ແຊກແຊງວຽກງານພາຍໃນຂອງກັນ, ສະເໝີພາບ, ຕ່າງຝ່າຍຕ່າງມີຜົນປະໂຫຍດ ແລະຫຼັກ 5 ປະທານຢູ່ຮ່ວມກັນໂດຍສັນຕິ.
ລັດຖະບານ ສ ໂດມີນິກາຮັບຮອງວ່າໂລກນີ້ມີແຕ່ປະເທດຈີນດຽວ, ລັດຖະບານສາທາລະນະລັດປະຊາຊົນຈີນແມ່ນລັດຖະບານຊອບດ້ວຍກົດໝາຍພຽງອັນດຽວທີ່ຕາງໜ້າຈີນ, ໄຕ້ຫວັນແມ່ນພາກສ່ວນໜຶ່ງທີ່ຕັດແຍກບໍ່ໄດ້ຂອງດິນແດນຈີນ. ສະນັ້ນ ລັດຖະບານ ສ ໂດມີນິກາຈະຕັດອັນທີ່ວ່າ ສາຍພົວພັນທາງການທູດກັບໄຕ້ຫວັນນັບແຕ່ມື້ນີ້ເປັນຕົ້ນໄປ.
ກ່ອນເຊັນຖະແຫຼງການດັ່ງກ່າວຢູ່ນະຄອນຫຼວງປັກກິ່ງ, ໂດມີນິກາໄດ້ປະກາດແຈ້ງການຂອງປະທານາທິບໍດີໂດຍປະກາດວ່າຮັບຮອງຫຼັກການຈີນດຽວ, ແລະຕັດອັນທີ່ວ່າ ການພົວພັນທາງການທູດກັບເຂດໄຕ້ຫວັນຂອງຈີນ.
