ວັນທີ 2 ພຶດສະພານີ້, ທະນາຄານການລົງທຶນພື້ນຖານໂຄງລ່າງອາຊີໄດ້ປະກາດຢູ່ນະຄອນຫຼວງປັກກິ່ງວ່າ: ໄດ້ອະນຸມັດປະເທດປາປົວນິວກີເນ ແລະເຄັນຢາເຂົ້າເປັນສະມາຊິກ. ປັດຈຸບັນຈຳນວນລວມຂອງສະມາຊິກມີເຖິງ 86 ປະເທດແລ້ວ.
ທ່ານດານນີ ອາເລກຊັນເດີ ຮອງຜູ້ວ່າການທະນາຄານການລົງທຶນພື້ນຖານໂຄງລ່າງອາຊີກ່າວວ່າ: ຍິນດີຕ້ອນຮັບປະເທດປາປົວນິວກີເນ ແລະເຄັນຢາເຂົ້າຮ່ວມທະນາຄານການລົງທຶນພື້ນຖານໂຄງລ່າງອາຊີ, ຂ້າພະເຈົ້າຮູ້ສຶກດີໃຈທີ່ເຫັນທະນາຄານຕົນມີສະມາຊິກເຖິງ 86 ປະເທດທີ່ມາຈາກ 6 ທະວີບ ເຊິ່ງໝາຍຄວາມວ່າ ໂດຍຜ່ານການຮ່ວມມືຫຼາຍຝ່າຍທີ່ມີການຄຸ້ມຄອງໃນມາດຕະຖານສູງ ແລະມີລະບຽບຮຽບຮ້ອຍ, ບັນດາປະເທດໄດ້ໃຫ້ຄຳໝັ້ນສັນຍາຢ່າງເດັດດ່ຽວເພື່ອສົ່ງເສີມການກໍ່ສ້າງພື້ນຖານໂຄງລ່າງ.
 |
