ວັນທີ 1 ພຶດສະພາຜ່ານມາ, ສະພາຄວາມໝັ້ນຄົງອົງການສະຫະປະຊາຊາດ ໄດ້ອອກຖະແຫຼງການ, ໂດຍໄດ້ນຳໃຊ້ "ຖ້ອຍຄວາມທີ່ຮຸນແຮງທີ່ສຸດ" ເພື່ອກ່າວປະນາມເຫດການໂຈມຕີດ້ວຍລະເບີດທີ່ເກີດຂຶ້ນຢູ່ອັຟການີສະຖານໃນວັນທີ 30 ເມສາຜ່ານມາ.
ຖະແຫຼງການລະບຸວ່າ, ສະມາຊິກສະພາຄວາມໝັ້ນຄົງ ສະແດງຄວາມເຫັນໃຈແລະຄວາມໄວ້ອາໄລຢ່າງສຸດຊຶ້ງຕໍ່ຄອບຄົວຜູ້ປະສົບເຄາະຮ້າຍແລະລັດຖະບານອັຟການີສະຖານ ແລະອວຍພອນໃຫ້ຜູ້ບາດເຈັບຈົ່ງຟື້ນຟູສຸຂະພາບໂດຍໄວ.
ສະພາຄວາມໝັ້ນຄົງກ່າວຢ້ຳວ່າ, ລັດທິກໍ່ການຮ້າຍບໍ່ວ່າໃນຮູບການໃດ ລ້ວນແຕ່ເປັນໜຶ່ງໃນໄພຂົ່ມຂູ່ທີ່ໜັກໜ່ວງທີ່ສຸດຕໍ່ສັນຕິພາບແລະຄວາມໝັ້ນຄົງຂອງສາກົນ, ທຸກປະເທດຕ້ອງພະຍາຍາມຢ່າງສຸດຂີດ ເພື່ອສະກັດກັ້ນໄພຂົ່ມຂູ່ໃນຮູບການການເຄື່ອນໄຫວກໍ່ການຮ້າຍດັ່ງກ່າວ.
ວັນທີ 30 ເມສາຜ່ານມາ, ຢູ່ນະຄອນຫຼວງກາບູນແລະແຂວງຄານດາຮາ ທາງພາກໃຕ້ຂອງອັຟການີສະຖານ ໄດ້ເກີດການຫຼອນໂຈມຕີດ້ວຍການລະເບີດຫຼາຍເທື່ອ. ຕາມຂໍ້ມູນຂອງສະພາຄວາມໝັ້ນຄົງສະຫະປະຊາຊາດ, ເຫດການລະເບີດເຫຼົ່ານີ້ ໄດ້ເຮັດໃຫ້ຢ່າງໜ້ອຍ 41 ຄົນເສຍຊີວິດ ແລະ 45 ຄົນບາດເຈັບ.
 |
