ທ່ານເທັນເທັນວິນ ເຈົ້າໜ້າທີ່ມຽນມາ ໄດ້ໃຫ້ສຳພາດຕໍ່ນັກຂ່າວວິທະຍຸສາກົນແຫ່ງປະເທດຈີນ ຫຼື CRI ຢູ່ນະຄອນຫຼວງປັກກິ່ງ ຫວ່າງມໍ່ໆມານີ້ ໂດຍກ່າວວ່າ: ນັບແຕ່ດຳເນີນການປະຕູຮູບແລະເປີດປະຕິສູ່ພາຍນອກຕະຫຼອດ 40 ປີຜ່ານມາ, ຈີນໄດ້ເປີດກວ້າງການພົວພັນກັບບັນດາປະເທດໃນໂລກ ເຮັດໃຫ້ຈີນແລະປະເທດອື່ນໆມີໂອກາດຮ່ຳຮຽນ ແລະຖອດຖອນບົດຮຽນເຊິ່ງກັນແລະກັນ ເຊື່ອວ່າຈີນຈະເປີດປະຕູສູ່ພາຍນອກຢ່າງກວ້າງຂວາງຕື່ມອີກ.
ທ່ານ ດຣ ເທັນເທັນວິນ ແມ່ນຜູ້ຮັບຜິດຊອບສະຖາບັນຄົ້ນຄວ້າເຕັກນິກຊີວະພາບ ກະຊວງສຶກສາທິການມຽນມາ ປັດຈຸບັນໄດ້ມາສຶກສາວິຊາເຕັກນິກສິ່ງແວດລ້ອມຊີວະພາບ ຢູ່ມະຫາວິທະຍາໄລອຸດສາຫະກຳເຄມີປັກກິ່ງ. ທ່ານກ່າວວ່າ: ນັບແຕ່ຈີນດຳເນີນການປະຕິຮູບແລະເປີດປະຕູສູ່ພາຍນອກຕະຫຼອດ 40 ປີຜ່ານມາ, ກຳລັງດ້ານເສດຖະກິດໄດ້ເພີ່ມຂຶ້ນເປັນທະວີຄູນ ແລະກາຍເປັນກຸ່ມເສດຖະກິດໃຫຍ່ອັນດັບທີ 2 ຂອງໂລກ. ຂະນະດຽວກັນ, ຈີນກໍມີການພັດທະນາຢ່າງພົ້ນເດັ່ນໃນດ້ານສັງຄົມ, ສາທາລະນະສຸກ, ການສຶກສາ, ສິ່ງແວດລ້ອມ ແລະວິທະຍາສາດ-ເຕັກນິກເປັນຕົ້ນ.
