ໃນໂອກາດວັນຊາວໜຸ່ມຈີນວັນທີ 4 ພຶດສະພາແລະວັນສ້າງຕັ້ງມະຫາວິທະຍາໄລປັກກິ່ງ ຄົບຮອບ 120 ປີທີ່ຈະມາເຖິງນີ້, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ໄປຢ້ຽມຢາມມະຫາວິທະຍາໄລປັກກິ່ງໃນວັນທີ 2 ພຶດສະພານີ້. ທ່ານສີຈິ້ນຜິງ ຕາງໜ້າສູນກາງພັກ, ໄດ້ຢື້ຢາມຖາມຂ່າວຕໍ່ພະນັກງານນັກສຶກສາ, ຄູອາຈານ, ອະດີດນັກສຶກສາທັງຈີນແລະຕ່າງປະເທດທີ່ຮຽນຈົບຈາກມະຫາວິທະຍາໄລປັກກິ່ງ, ຊາວໜຸ່ມບັນດາເຜົ່າທົ່ວປະເທດ, ແລະພະນັກງານຊາວໜຸ່ມທົ່ວປະເທດ. ທ່ານສີຈິ້ນຜິງ ກ່າວເນັ້ນວ່າ, ການທີ່ຍຶດໝັ້ນແລະພັດທະນາສັງຄົມນິຍົມທີ່ມີສີສັນພິເສດຂອງຈີນໃຫ້ດີ, ສ້າງປະເທດຈີນເປັນປະເທດສັງຄົມນິຍົມທີ່ທັນສະໄໝແລະເຂັ້ມແຂງ, ສິ່ງນີ້ແມ່ນໜ້າທີ່ໄລຍະຍາວແລະຕ້ອງການຄວາມສູ້ຊົນຮ່ວມຂອງປະຊາຊົນຈີນຮຸ້ນຕໍ່ຮຸ້ນ. ຊາວໜຸ່ມທັງຫຼາຍຄວນກາຍເປັນກຳລັງມິດບທີ່ຈະຍູ້ດັນໃຫ້ຊົນຊາດຈີນບັນລຸຜົນໃນການຟື້ນຟູຄວາມຈະເລີນຮຸ່ງເຮືອງທີ່ຍິ່ງໃຫຍ່, ເປັນຜູ້ແບກຫາບຄວາມຫວັງຂອງປະເທດຊາດແລະຊົນຊາດ. ສະຖາບັນການສຶກສາຊັ້ນສູງຄວນກຳໜ້າທີ່ພື້ນຖານແຫ່ງການສຶກສາອົບຮົບຜູ້ກໍ່ສ້າງແລະຜູ້ສືບທອດສັງຄົມນິຍົມ, ຕັ້ງໜ້າສູ້ຊົນສ້າງມະຫາວິທະຍາໄລດີເດັ່ນທີ່ມີສີສັນພິເສດຂອງຈີນໃຫ້ຂຶ້ນສູ່ມະຫາວິທະຍາໄລລະດັບແຖວໜ້າຂອງໂລກ.
