ວັນທີ 2 ພຶດສະພານີ້, ທ່ານນາງ ຮວ້າຊຸ່ນຢີງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວວ່າ: ຈີນຫວັງວ່າຈະພະຍາຍາມຮ່ວມກັນກັບບັນດາຝ່າຍ, ປັບປຸງ ແລະຮັກສາທ່າອ່ຽງທີ່ດີຂອງສະພາບການແຫຼມເກົາຫຼີຢ່າງຕໍ່ເນື່ອງ ເພື່ອສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນເຂົ້າໃນການແກ້ໄຂບັນຫາແຫຼມເກົາຫຼີໃນຂັ້ນພື້ນຖານ.
ເມື່ອຕອບຄຳຖາມກ່ຽວກັບການໄປຢ້ຽມຢາມ ສປປ ເກົາຫຼີຂອງທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນ, ທ່ານນາງ ຮວ້າຊຸ່ນຢີງກ່າວວ່າ: ນີ້ແມ່ນມາດຕະການທີ່ສຳຄັນຂອງຈີນ ແລະສປປ ເກົາຫຼີໃນການຈັດຕັ້ງປະຕິບັດຄວາມເປັນເອກະພາບກັນຂອງຜູ້ນຳສູງສຸດຂອງສອງປະເທດ ແລະເພີ່ມທະວີການໄປມາຫາສູ່ກັນ ແລະການແລກປ່ຽນທາງຍຸດທະສາດລະຫວ່າງການນຳຂັ້ນສູງ. ສອງຝ່າຍຈະແລກປ່ຽນຄຳຄິດເຫັນກ່ຽວກັບບັນຫາສາຍພົວພັນຈີນ-ສປປ ເກົາຫຼີ, ສະພາບການແຫຼມເກົາຫຼີ ແລະອື່ນໆ.
 |
