ວັນທີ 3 ພຶດສະພານີ້, ທ່ານເຊີເກ ລັບຟ່ຣ້ອບຟ່ ລັດຖະມົນຕີກະຊວງການຕ່າງປະເທດຣັດເຊຍກ່າວວ່າ: ຖ້າອາເມລິກາຖອນອອກຈາກສັນຍານິວເຄຼຍອີຣານຈະສົ່ງຜົນກະທົບທາງລົບຕໍ່ການຮັກສາກົນໄກບໍ່ແຜ່ຜາຍອາວຸດນິວເຄຼຍຂອງໂລກ.
ໃນມື້ດຽວກັນ, ທ່ານລັບຟ່ຣ້ອບຟ່ໄດ້ພົບປະເຈລະຈາກັບທ່ານອາມານ ສະຟາດີ ລັດຖະມົນຕີກະຊວງການຕ່າງປະເທດຊອກດານີຢູ່ເມືອງໂຊຊີ້ ປະເທດຣັດເຊຍ. ທ່ານລັບຟ່ຣ້ອບຟໄດ້ກ່າວໃນໂອກາດຮ່ວມກັນຖະແຫຼງຂ່າວຕໍ່ສື່ມວນຊົນຫຼັງການພົບປະວ່າ: ຖ້າອາເມລິກາຖອນອອກຈາກສັນຍານິວເຄຼຍອີຣານດັ່ງທີ່ທ່ານໂດນັນ ທຣຳ ປະທານາທິບໍດີອາເມລິກາໄດ້ກ່າວມາຫຼາຍເທື່ອນັ້ນ, ປະຊາຄົມໂລກຈະເສຍເອກະສານສຳຄັນທີ່ມີຜົນດີຕໍ່ການຮັກສາກົນໄກບໍ່ແຜ່ຜາຍອາວຸດນິວເຄຼຍ. ສັນຍານິວເຄຼຍອີຣານໄດ້ຮັບຮອງໂດຍສະພາຄວາມໝັ້ນຄົງອົງການສະຫະປະຊາຊາດ, ສະນັ້ນບັນດາຝ່າຍທີ່ກ່ຽວຂ້ອງຄວນປະຕິບັດຢ່າງເຂັ້ມງວດ.
 |
