ວັນທີ 6 ພຶດສະພານີ້, ໂຄສົກກະຊວງການຕ່າງປະເທດ ສປປ ເກົາຫຼີກ່າວວ່າ, ພາຍໃຕ້ສະຖານະການແຫຼມເກົາຫຼີໃນປັດຈຸບັນ, ການກະທຳຕ່າງໆທີ່ກະຕຸ້ນ ສປປ ເກົາຫຼີຂອງອາເມລິກາ "ມີເຈດຕະນາເຮັດໃຫ້ສະຖານະການແຫຼມເກົາຫຼີກັບຄືນສູ່ຈຸດເດີມ".
ຂ່າວສານສູນກາງເກົາຫຼີລາຍງານໃນມື້ດຽວກັນວ່າ, ໂຄສົກຜູ້ນີ້ໄດ້ກ່າວຄວາມນີ້ໃນເວລາຕອບຄຳຖາມຂອງນັກຂ່າວກ່ຽວກັບອາເມລິກາເພີ່ມຄວາມກົດດັນຕໍ່ ສປປ ເກົາຫຼີ ໂດຍກ່າວວ່າ, ໃນໄລຍະມໍ່ໆມານີ້, ອາເມລິກາໄດ້ຫວ່ານຖ້ອຍຄວາມທີ່ຜິດພາດ ໂດຍກ່າວວ່າ, ສປປ ເກົາຫຼີໄດ້ສະແດງທ່າທີເຮັດໃຫ້ແຫຼມເກົາຫຼີປອດນິວເຄຼຍໃນ "ຖະແຫຼງການປານມຸນຈອມ" ແມ່ນໝາກຜົນຈາກການຂວ້ຳບາດ.
ໂຄສົກຜູ້ນີ້ກ່າວຕື່ມວ່າ, ອາເມລິກາກ່າວຢ່າງບັງອາດວ່າ, ຈະບໍ່ຫຼຸດຜ່ອນການຂວ້ຳບາດຕໍ່ ສປປ ເກົາຫຼີ ແລະ ມີເຈດຕະນາເຮັດໃຫ້ສະຖານະການແຫຼມເກົາຫຼີເຄັ່ງຕຶງຂຶ້ນຕື່ມ.
ທ່ານກ່າວຕໍ່ໄປວ່າ, ຖ້າອາເມລິກາຖືເອົາຈິນຕະນາການຮັກຫອມສັນຕິພາບຂອງ ສປປ ເກົາຫຼີເປັນການກະທຳແບບອ່ອນແອ, ຈະສືບຕໍ່ໃຊ້ຄວາມກົດດັນ ແລະ ນາບຂູ່ ສປປ ເກົາຫຼີທາງການທະຫານ, ຈະບໍ່ມີຜົນດີຕໍ່ການແກ້ໄຂບັນຫາແຕຢ່າງໃດ.
 |
