ຫວ່າງມໍ່ໆມານີ້, ກອງເຮືອພະຈົນໄພບາລັງກາຍຟີລິບປິນທີ່ປະກອບດ້ວຍເຮືອໄມ້ແບບບູຮານ 3 ລຳໄດ້ມາເຖິງທ່າກຳປັ່ນເຊ້ຍເມິນ, ລູກເຮືອ 31 ຄົນຈະດຳເນີນກິດຈະກຳແລກປ່ຽນວັດທະນະທຳຢູ່ເມືອງເຊ້ຍເມິນ, ເມືອງຈິ້ນຈ່ຽງ, ເມືອງເຕີໂຈ່ວ ແລະ ນະຄອນຫຼວງປັກກິ່ງ.
ປີ 1417, ສົມເດັດປາດຸກາ ບາຕາຣາ ຊູດັງຊູລູໄດ້ນຳພາຄອບຄົວ ແລະ ລູກນ້ອງ 300 ກວ່າຄົນຢ້ຽມຢາມຈີນ ແລະ ໄດ້ຮັບການຕ້ອນຮັບຢ່າງອົບອຸ່ນຈາກຮ່ອງເຕ້ຢົງເລີ້ ເຈົ້າຈັກກະພັດລາຊະວົງໝິງຂອງຈີນ. ໃນເວລາກັບຄືນຮອດເມືອງເຕີໂຈ່ວແຂວງຊ່ານຕຸ່ງຈີນ, ຊູດັງໄດ້ເສຍຊີວິດຍ້ອນເຈັບເປັນ ແລະ ຝັງຢູ່ເມືອງເຕີໂຈ່ວ. ລູກກົກຂອງຊູດັງໄດ້ກັບຄືນປະເທດສືບທອດລາຊະບັນລັງ, ມະເຫສີ ແລະ ລູກອີກ 2 ຄົນໄດ້ເຝົ້າສຸສານຊູດັງ ທັງຕັ້ງພູມລຳເນົາຢູ່ເມືອງເຕີໂຈ່ວ.
ທ່ານອາຕູໂຣ ວານເດສ໌ ຫົວໜ້າກອງເຮືອກ່າວວ່າ, ປີ 2017 ເປັນປີລະນຶກຊູດັງຊູລູຢ້ຽມຢາມຈີນຄົບຮອບ 600 ປີ, ການທີ່ກອງເຮືອພະຈົນໄພບາລັງກາຍມາຢ້ຽມຢາມຈີນຄັ້ງນີ້ ກໍເພື່ອລະນຶກເຖິງປະຫວັດສາດທີ່ສຳຄັນນີ້.
 |
