ຕອນຄ່ຳວັນທີ 7 ພຶດສະພານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ພົບປະກັບທ່ານມຸຮະມັດ ຢຸຊຸຟ ຄາລາ ຮອງປະທານາທິບໍດີອິນໂດເນເຊຍຢູ່ນະຄອນຫຼວງຈາກາຕາປະເທດອິນໂດເນເຊຍ.
ທ່ານຫຼີເຄີ້ສຽງ ກ່າວວ່າ, ໃນໄລຍະຢ້ຽມຢາມຄັ້ງນີ້, ຂ້າພະເຈົ້າແລະຜູ້ນຳອິນໂດເນເຊຍໄດ້ກ້າວເຖິງຄວາມເປັນເອກະພາບກັນໃໝ່ກ່ຽວກັບການລົງເລິກສາຍພົວພັນລະຫວ່າງສອງປະເທດແລະພັດທະນາການຮ່ວມມືທີີ່ຕ່າງຝ່າຍຕ່າງມີຜົນປະໂຫຍດແລະ. ຈີນຍິນດີຖືສອງປະເທດສ້າງສາຍພົວພັນຄູ່ຮ່ວມຍຸດທະສາດຮອບດ້ານຄົບຮອບ 5 ປີເປັນໂອກາດທີ່ດີ, ບົນພື້ນຖານເຄົາລົບນັບຖືເຊິ່ງກັນແລະກັນແລະການຮ່ວມມືທີ່ສະເໝີພາບ, ແລະໄປຕາມທາງດຽວກັນ, ຊຸກຍູ້ໃຫ້ການພົວພັນລະຫວ່າງສອງປະເທດກ້າວຂຶ້ນສູ່ລະດັບໃໝ່, ປະກອບສ່ວນຫຼາຍກວ່າເກົ່າເພື່ອສະຖຽນລະພາບແລະການພັດທະນາຂອງພາກພື້ນກໍຄືຂອງໂລກ.
ທ່ານຄາລາ ກ່າວວ່າ, ການພົວພັນລະຫວ່າງສອງປະເທດພວມຢູ່ໃນໄລຍະທີ່ດີທີ່ສຸດ, ຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງປະເທດໄດ້ເພີ່ມຂຶ້ນຢ່າງບໍ່ຢຸດຢັ້ງ, ການຮ່ວມມືເສດຖະກິດນັບມື້ນັບເລິກເຊິ່ງ, ແລະມີທ່າອ່ຽງພັດທະນາໄປໃນທາງທີ່ດີຢ່າງຕໍ່ເນື່ອງ. ຂອບໃຈນຳວິສາຫະກິດຈີນລົງທຶນຢູ່ອິນໂດເນເຊຍ, ເຊິ່ງເປັນຜົນດີຕໍ່ການພັດທະນາເສດຖະກິດ ອິນໂດເນເຊຍ. ອິນໂດເນເຊຍຍິນດີເພີ່ມທະວີການແລກປ່ຽນແລະຮ່ວມມືກັບຈີນໃນຂົງເຂດເສດຖະກິດການຄ້າ, ວັດທະນະທຳ, ການສຶກສາ, ວຽກງານທາງທະເລແລະອື່ນໆ, ເພື່ອຊຸກຍູ້ໃຫ້ສາຍພົວພັນລະຫວ່າງສອງປະເທດກ້າວຂຶ້ນສູ່ລະດັບໃໝ່ຕື່ມອີກ.
 |
