ວັນທີ 8 ພຶດສະພານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ສົ່ງໂທລະເລກຊົມເຊີຍ ແລະອວຍພອນທ່ານດີມີຕຼີ ເມັດເວເດັຟທີ່ທ່ານໄດ້ດຳລົງຕຳແໜ່ງເປັນນາຍົກລັດຖະມົນຕີຣັດເຊຍອີກວາລະໜຶ່ງ.
ທ່ານຫຼີເຄີ້ສຽງກ່າວວ່າ: ໃນຊຸມປີຜ່ານມາ, ສາຍພົວພັນຄູ່ຮ່ວມປະສານງານທາງຍຸດທະສາດຮອບດ້ານຈີນ-ຣັດເຊຍໄດ້ຮັກສາການພັດທະນາໃນລະດັບສູງຢ່າງຕໍ່ເນື່ອງ, ການຮ່ວມມືທີ່ແທ້ຈິງທາງດ້ານເສດຖະກິດ-ການຄ້າ, ການລົງທຶນ, ພະລັງງານ, ກະສິກຳ, ທາງອາກາດ ແລະອາວະກາດ, ວັດທະນະທຳ, ລະຫວ່າງເຂດແຄ້ວນ ແລະອື່ນໆມີຄວາມກ້າວໜ້າຢ່າງໝັ້ນທ່ຽງ ເຊິ່ງເປັນການສົ່ງເສີມການພັດທະນາຈະເລີນຮ່ວມກັນຂອງສອງຊາດ. ຂ້າພະເຈົ້າຄອງຄອຍຮ່ວມກັບທ່ານເມັດເວເດັຟປະກອບສ່ວນໃໝ່ໃນການຍົກສູງລະດັບສາຍພົວພັນສອງປະເທດ ແລະຊຸກຍູ້ການຮ່ວມມືໃນຂົງເຂດຕ່າງໆ.
 |
