ວັນທີ 9 ພຶດສະພານີ້, ທ່ານຢູກິຢະ ອາມາໂນະ ຜູ້ອຳນວຍການໃຫຍ່ອົງການພະລັງງານປະລະມານູສາກົນຫຼືIAEAໄດ້ອອກຖະແຫຼງການວ່າ: ອົງການຕົນເຊື່ອໝັ້ນວ່າ ອີຣານໄດ້ປະຕິບັດສັນຍາຮອບດ້ານກ່ຽວກັບບັນຫານິວເຄລຍອີຣານຕາມຄວາມຮຽກຮ້ອງມາໂດຍຕະຫຼອດ ແລະຈະຕິດຕາມຢ່າງໃກ້ຊິດຕໍ່ສະພາບຄວາມຄືບໜ້າກ່ຽວກັບສັນຍານິວເຄລຍອີຣານ.
ຖະແຫຼງການຂອງທ່ານຢູກິຢະ ອາມາໂນະລະບຸວ່າ: ຕາມສັນຍານິວເຄລຍອີຣານທີ່ບັນດາຝ່າຍໄດ້ເຊັນກັນໃນເດືອນກໍລະກົດ 2015, ອີຣານກຳລັງຍອມຮັບການກວດກາຢ່າງເຂັ້ມງວດຈາກອົງການພະລັງງານປະລະມານູສາກົນແລະມາຮອດປັດຈຸບັນ, ອົງການຕົນກໍເຊື່ອໝັ້ນວ່າ ອີຣານໄດ້ປະຕິບັດສັນຍາຮອບດ້ານກ່ຽວກັບບັນຫານິວເຄລຍອີຣານຕາມຄວາມຮຽກຮ້ອງມາໂດຍຕະຫຼອດ.
ທ່ານຢູກິຢະ ອາມາໂນະກ່າວຕື່ມວ່າ: ອົງການພະລັງງານປະລະມານູສາກົນຈະຕິດຕາມຢ່າງໃກ້ຊິດຕໍ່ສະພາບຄວາມຄືບໜ້າກ່ຽວກັບສັນຍານິວເຄລຍອີຣານ.
ວັນທີ 8 ພຶດສະພານີ້, ທ່ານໂດນັນ ທຣຳ ປະທານາທິບໍດີອາເມລິກາປະກາດວ່າ: ອາເມລິກາຈະຖອນອອກຈາກສັນຍານິວເຄລຍອີຣານ ແລະປະຕິບັດມາດຕະການຂວ້ຳບາດຕໍ່ອີຣານຄືນໃໝ່ ເຊິ່ງມາດຕະການເຫຼົ່ານີ້ໄດ້ຖືກຍົກເວັ້ນໃນການນຳໃຊ້ກັບອີຣານຍ້ອນສັນຍານິວເຄລຍອີຣານ.
 |
