ວັນທີ 9 ພຶດສະພານີ້, ທ່ນຫຼີເຄີ້ສຽງ ນາຍົກລັດຖະມົນຕີຈີນໄດ້ສົ່ງໂທລະເລກຊົມເຊີຍໄປຍັງທ່ານວິກໂຕ ໂອບັນ, ໃນໂອກາດທີ່ທ່ານໄດ້ຮັບເລືອກຕັ້ງເປັນນາຍົກລັດຖະມົນຕີຮົງກາຣີອີກວາລະໜຶ່ງ.
ທ່ານຫຼີເຄີ້ສຽງ ຊີ້ໃຫ້ເຫັນວ່າ, ຄວາມໄວ້ເນື້ອເຊື່ອໃຈດ້ານການເມືອງລະຫວ່າງຈີນແລະຮົງກາຣີໄດ້ປັບປຸງໃຫ້ດີຂຶ້ນຢ່າງບໍ່ຢຸດຢັ້ງ, ການຮ່ວມມືດ້ານການຄ້າ, ການລົງທຶນ, ການກໍ່ສ້າງພື້ນຖານໂຄງລ່າງແລະອື່ນໆມີຜົນງານອັນອຸດົມສົມບູນ, ນີ້ບໍ່ພຽງແຕ່ມີຜົນດີຕໍ່ສອງຝ່າຍເທົ່ານັ້ນ, ຍັງໄດ້ຊຸກຍູ້ການຮ່ວມມືລະຫວ່າງຈີນແລະປະເທດຢູ່ພາກພື້ນພັດທະນາໄປຂ້າງໜ້າ. ພ້ອມກັນນັ້ນຈີນກໍຍິນດີຮ່ວມກັບຮົງກາຣີຊຸກຍູ້ສາຍພົວພັນລະຫວ່າງສອງປະເທດ, ການຮ່ວມມື 16+1, ແລະສາຍພົວພັນແລະການຮ່ວມມືລະຫວ່າງຈີນກັບສະຫະພາບເອີລົບໃຫ້ສືບຕໍ່ຂະຫຍາຍຕົວຢ່າງໝັ້ນທ່ຽງແລະກ້າວຂຶ້ນສູ່ລະດັບໃໝ່.