ວັນທີ 9 ພຶດສະພານີ້, ກອງປະຊຸມເວທີປຶກສາຫາລືຄັງປັນຍາລະດັບສູງຈີນ-ມຽນມາຄັ້ງທີສອງຈັດຂຶ້ນຢູ່ເມືອງໝາງຊື້ກິ່ງແຂວງເຕີ້ຫົງແຂວງຢຸນນານ ສປ ຈີນ. ໂດຍເນັ້ນຫົວຂໍ້ "ການກໍ່ສ້າງແລວທາງເສດຖະກິດຈີນ-ມຽນມາ".
ການກໍ່ສ້າງແລວທາງເສດຖະກິດຈີນ-ມຽນມາແມ່ນຈີນລິເລີ່ມໃນປີຜ່ານມາ, ຕາມແຜນການ, ແລວທາງເສດຖະກິດດັ່ງກ່າວເລີ່ມແຕ່ແຂວງຢຸນນາມຂອງຈີນ, ຜ່ານຊາຍແດນຈີນ-ມຽນມາແລະຮອດເມືອງມັນດາເລຂອງມຽນມາ, ແລະທິດຕາເວັນອອກຂະຫຍາຍໄປຮອດເມືອງຢາງກຸ້ງໃໝ່ແລະທາງຕາເວັນຕົກຂະຫຍາຍໄປຮອດເຂດພິເສດກຽວພິວ. ໃນກອງປະຊຸມດັ່ງກ່າວ, ຜູ້ຊ່ຽວຊານທີ່ຮ່ວມປະຊຸມໄດ້ແລກປ່ຽນກ່ຽວກັບການກໍ່ສ້າງພື້ນຖານໂຄງລ່າງຂອງແລວທາງເສດຖະກິດຈີນ-ມຽນມາ, ການກໍ່ສ້າງເຂດຮ່ວມມືເສດຖະກິດ, ກະສິກຳ ການພັດທະນາເພື່ອຫຼຸດຜ່ອນຄວາມທຸກຍາກແລະພັດທະນາເສດຖະກິດສັງຄົມທີ່ຢູ່ລຽບຕາມແລວທາງເສດຖະກິດ, ການຮ່ວມມືໃນຂົງເຂດໄພຄຸກຄາມຄວາມໝັ້ນຄົງແບບໃໝ່ຢູ່ເຂດຊາຍແດນ, ແລະໄດ້ແລກປ່ຽນຄວາມເຫັນກ່ຽວກັບແຜນການກໍ່ສ້າງແລວທາງເສດຖະກິດຈີນ-ມຽນມາ.
 |
