ວັນທີ 9 ພຶດສະພານີ້, ທ່ານ ເກິງສວງ ໂຄສົກກະຊວງການຕ່າງປະເທດຈີນກ່າວວ່າ, ປະເທດຕົນຮູ້ສຶກເສຍດາຍຕໍ່ອາເມລິກາທີ່ຖອນອອກຈາກສັນຍານິວເຄລຍອີຣານຮອບດ້ານ, ຮຽກຮ້ອງໃຫ້ທຸກຝ່າຍຈົ່ງຍຶດໝັ້ນທິດທາງທີ່ແກ້ໄຂບັນຫາໂດຍຜ່ານທາງການເມືອງແລະການທູດ, ຄວບຄຸມຄວາມຂັດແຍ້ງກັນຢ່າງເໝາະສົມ, ແລະກັບຄືນສູ່ເສັ້ນທາງທີ່ຖືກຕ້ອງແຫ່ງການສືບຕໍ່ປະຕິບັດສັນຍາຮອບດ້ານນັ້ນໂດຍໄວ.
ທ່ານ ເກິງສວງ ກ່າວຕື່ມວ່າ, ສັນຍາຮອບດ້ານກ່ຽວກັບບັນຫານິວເຄລຍຂອງອີຣານ ແມ່ນສັນຍາຫຼາຍຝ່າຍທີ່ເຊັນກັນຜ່ານການເຈລະຈາຮ່ວມມືລະຫວ່າງ 6 ປະເທດ, ສະຫະພາບເອີລົບ ແລະອີຣານ, ທັງໄດ້ຮັບການອະນຸຍາດຈາກມະຕິເລກທີ 2231 ຂອງສະພາຄວາມໝັ້ນຄົງ, ທຸກຝ່າຍລ້ວນແຕ່ປະຕິບັດຢ່າງຕັ້ງໃຈ ເພື່ອປົກປັກຮັກາສາຄວາມຄົບຖ້ວນແລະຄວາມເຄັ່ງຕຶງຂອງສັນຍາດັ່ງກ່າວ. ທັງນີ້ມີຜົນດີຕໍ່ການປົກປັກຮັກສາລະບົບທີ່ບໍ່ແຜ່ຜາຍອາວຸດນິວເຄລຍສາກົນ, ຊຸກຍູ້ສັນຕິພາບແລະສະຖຽນລະພາບຂອງພາກພື້ນຕາເວັນອອກກາງ, ທັງມີຄວາມໝາຍເປັນແບບຢ່າງໃຫ້ແກ່ການແກ້ໄຂບັນຫາຈຸດສຸມໂດຍຜ່ານວິທີທາງການເມືອງ.
ຈີນຈະນຳໃຊ້ທ່າທີພາວະວິໄສ, ທ່ຽງທຳແລະຮັບຜິດຊອບ, ຮັກສາການປຶກສາຫາລືກັບທຸກຝ່າຍ, ສືບຕໍ່ສຸມໃສ່ປົກປົກຮັກສາແລະປະຕິບັດຕາມສັນຍາດັ່ງກ່າວ.
 |
