CRI ລາຍງານວ່າ: ວັນທີ 10 ພຶດສະພານີ້, ທ່ານເກິງສວງ ໂຄສົກກະຊວງການຕ່າງປະເທດຈີນຢືນຢັນວ່າ ຈີນໄດ້ຕົກລົງຈະໃຫ້ການຊ່ວຍເຫຼືອສຸກເສີນແບບມະນຸດສະທຳແກ່ລັດຖະບານໂຊມາລີເພື່ອຕ້ານໄພນ້ຳຖ້ວມ.
ໃນໄລຍະມໍ່ໆມານີ້, ໂຊມາລີມີຝົນຕົກໜັກຢ່າງຕໍ່ເນື່ອງເຮັດໃຫ້ເກີດໄພນ້ຳຖ້ວມໃນຂອບເຂດກວ້າງຂວາງ, ປະຊາຊົນຫຼາຍກວ່າ 4 ແສນຄົນໄດ້ຮັບຜົນກະທົບ. ທ່ານເກິງສວງ ກ່າວຢູ່ໃນກອງປະຊຸມຖະແຫຼງຂ່າວໃນວັນທີ 10 ພຶດສະພານີ້ວ່າ: ຈີນສະແດງຄວາມເຫັນໃຈຕໍ່ໂຊມາລີທີ່ເກີດໄພນ້ຳຖ້ວມໃນໄລຍະມໍ່ໆນີ້ ສົ່ງຜົນເຮັດໃຫ້ປະຊາຊົນຈຳນວນຫຼວງຫຼາຍຂາດບ່ອນຢູ່ອາໄສ. ອີງຕາມຂ່າວຈາກອົງການຮ່ວມມືພັດທະນາສາກົນແຫ່ງປະເທດຈີນ,ລັດຖະບານຈີນໄດ້ຕົກລົງໃຫ້ການຊ່ວຍເຫຼືອສຸກເສີນແບບມະນຸດສະທຳແກ່ລັດຖະບານໂຊມາລີເພື່ອຕ້ານໄພນ້ຳຖ້ວມ. ລັດຖະບານຈີນຈະຕິດຕາມສະພາບໄພນ້ຳຖ້ວມຢູ່ໂຊມາລີຢ່າງໃກ້ຊິດແລະອີງຕາມສະພາບໄພນ້ຳຖ້ວມແລະການຮ້ອງຂໍຈາກໂຊມາລີ,ຈີນຈຶ່ງຍິນດີຊ່ວຍເຫຼືອແລະສະໜັບສະໜູນໂຊມາລີຕາມຄວາມສາມາດຂອງຕົນ.
 |
