ກອງປະຊຸມລັດຖະມົນຕີຖະແຫຼງຂ່າວອາຊຽນ,ຈີນ,ຍີ່ປຸ່ນແລະສເກົາຫຼີຄັ້ງທີ 5 ຈັດຂຶ້ນຢູ່ສິງກະໂປ

ກອງປະຊຸມລັດຖະມົນຕີ ຖະແຫຼງຂ່າວອາຊຽນ,ຈີນ,ຍີ່ປຸ່ນແລະສ ເກົາຫຼີຫຼືອາຊຽນບວກ 3 ຄັ້ງທີ 5 ໄດ້ຈັດຂຶ້ນຢູ່ສິງກະໂປໃນວັນທີ 10 ພຶດສະພານີ້.

ທ່ານໂກວ່ເວີ້ຍໝິນ ຮອງຫົວໜ້າຫ້ອງການຖະແຫຼງຂ່າວລັດຖະບານຈີນກ່າວວ່າ, ກອງປະຊຸມຄັ້ງນີ້ຈັດຂຶ້ນພາຍໃນຫົວຂໍ້ "ອາຊຽນດີຈີຕອນແບບແບ່ງປັນ" ມີລັກສະນະເນັ້ນເປົ້າໝາຍຢ່າງໂດດເດັ່ນ.

ທ່ານໂກ່ວເວີ້ຍມິນຊີ້ໃຫ້ເຫັນວ່າ: ສື່ມວນຊົນມີບົດບາດສຳຄັນໃນການເປັນຂົວຕໍ່ແຫ່ງການເພີ່ມທະວີການໄປມາຫາສູ່ກັນລະຫວ່າງຊາດແລະສົ່ງເສີມການເຊື່ອມສານກັນດ້ານຈິດໃຈລະຫວ່າງປະຊາຊົນ. ພາຍໃຕ້ສະພາບປັດຈຸບັນທີ່ເຕັກນິກສື່ໃໝ່ພັດທະນາຢ່າງວ່ອງໄວ, ລັດຖະບານແລະສື່ມວນຊົນຈີນໃຫ້ຄວາມສຳຄັນຕໍ່ການພັດທະນາແບບເຊື່ອມໂຍງເຂົ້າກັນຂອງສື່ມວນຊົນ. ຍິນດີເພີ່ມທະວີການແລກປ່ຽນຮ່ວມມືກັບອາຊຽນ, ຍີ່ປຸ່ນແລະສ ເກົາຫຼີໃນຂົງເຂດສື່ໃໝ່. ຈີນຍິນດີຮ່ວມກັບປະເທດອາຊຽນແບ່ງປັນເຕັກນິກສື່ໃໝ່ກໍຄືບົດຮຽນການປະຍຸກ, ດຳເນີນການແລກປ່ຽນແລະຍົກລະດັບຜູ້ປະກອບການສື່ໃໝ່,ຄົ້ນຄວ້າການແລກປ່ຽນແລະຮ່ວມມືໃນເວັບຂ່າວ,APPແລະສື່ສັງຄົມອອນລາຍຕ່າງໆ.