ກອງປະຊຸມສຸດຍອດຫຸ່ນຍົນແລະກອງປະຊຸມຊັບພະຍາກອນມະນຸດເສດຖະກິດສະມາດຈີນຄັ້ງທີ 5 ໄດ້ຈັດຂຶ້ນໃນ ວັນທີ 10 ພຶດສະພານີ້ຢູ່ເມືອງຢີວ໌ຢາວ ແຂວງເຈີ້ຈ່ຽງ, ມີຜູ້ປະກອບການດີເດັ່ນ 1500 ກວ່າຄົນຈາກ 18 ປະເທດແລະເຂດແຄວ້ນເຂົ້າຮ່ວມ ແລະໃນໄລຍະກອງປະຊຸມໄດ້ມີການເຊັນສັນຍາ 24 ໂຄງການທີ່ມີຍອດມູນຄ່າການລົງທຶນເຖິງ 43 ຕື້ 250 ລ້ານຢວນຫຼືປະມານ 6 ຕື້ 800 ລ້ານໂດລາສະຫະລັດ.
ທ່ານຊາວຈ້ຽນລິນ ຮອງປະທານຄະນະກຳມະການການສຶກສາ,ວິທະຍາສາດ,ສາທາລະນະສຸກແລະກິລາຂອງສະພາປຶກສາການເມືອງປະຊາຊົນແຫ່ງຊາດຈີນຢືນຢັນວ່າ, ການພັດທະນາຂອງຫຸ່ນຍົນຈີນໃນຊູ່ມື້ນີ້ ຈາກໄລຍະ "ການບໍ່ມີຮອດມີ"ເຂົ້າສູ່ໄລຍະໃໝ່ທີ່ເຊື່ອມໂຍງເຂົ້າກັນຢ່າງເລິກເຊິ່ງ, ໃນຂະບວນການນີ້, ຕ້ອງການຊ່ຽວຊານຈາກບັນດາຂົງເຂດ,ບັນດາປະເທດແລະເຂດແຄວ້ນເຂົ້າຮ່ວມແລະແລກປ່ຽນກັນໃນຫຼາຍຊ່ອງທາງຕາມຕ່ອງໂສ້ອຸດສາຫະກຳ.
ທ່ານຊາວຈ້ຽນລິນກ່າວຕື່ມວ່າ: ຈີນມີຕະຫຼາດກວ້າງຂວາງທີ່ຫາອັນປຽບບໍ່ໄດ້ ແລະຍັງມີສະຖານທີ່ທົດລອງທີ່ກ້າວໜ້າທັນສະໄໝ. ຈີນຍິນດີປະຕິບັດວຽກງານບໍລິການກ່ຽວຂ້ອງໃຫ້ດີ, ຫວັງວ່າຊ່ຽວຊານຕ່າງປະເທດຈະຮ່ວມກັບຊ່ຽວຊານຈີນ ພະຍາຍາມປະຕິບັດວຽກງານໃນຂົງເຂດນີ້ຢູ່ຈີນ.
 |
