ເພື່ອຊຸກຍູ້ການສ້າງເຂດທົດລອງການຄ້າເສລີແຂວງໄຫຫຼຳແລະທ່າກຳປັ່ນການຄ້າເສລີທີ່ມີສີສັນພິເສດຂອງຈີນ, ກອງປະຊຸມຄົບຄະນະເທື່ອທີ 4 ຂອງຄະນະພັກແຂວງໄຫຫຼຳສະໄໝທີ 7 ທີ່ຈັດຂຶ້ນໃນວັນທີ 13 ພຶດສະພານີ້ໄດ້ພິຈາລະນາແລະຮັບຮອງແຜນການດຳເນີນງານຮັບເອົາຊັບພະຍາກອນມະນຸດໜຶ່ງລ້ານຄົນເຂົ້າແຂວງໄຫຫຼຳ ແລະໄດ້ເປີດເຜີຍໃນກອງປະຊຸມຖະແຫຼງຂ່າວໃນຄືນວັນດຽວກັນວ່າ, ຕາມແຜນການ, ຮອດປີ 2020, ແຂວງໄຫຫຼຳຈະຮັບເອົາຊັບພະຍາກອນມະນຸດປະເພດຕ່າງໆ 2 ແສນຄົນ, ຮອດປີ 2025 ຈະບັນລຸເປົ້າໝາຍ ຮັບເອົາຊັບພະຍາກອນມະນຸດໃຫ້ໄດ້ໜຶ່ງລ້ານຄົນ.
ຕາມແຜນການ, ຊັບພະຍາກອນມະນຸດທີ່ມີການສຶກສາຊັ້ນອະນຸປະລິຍາຂຶ້ນໄປ, ມີຕຳແໜ່ງວິຊາການຊັ້ນອາຈານແລະອື່ນໆຈະສາມາດຂຶ້ນທະບຽນສຳມະໂນຄົວຢູ່ບ່ອນເຮັດວຽກແລະບ່ອນຢູ່ຕົວຈິງໃນແຂວງໄຫຫຼຳ. ນັບແຕ່ມື້ຂຶ້ນທະບຽນສຳມະໂນຄົວເປັນຕົ້ນໄປຈະມີສິດເທົ່າທຽມກັບປະຊາຊົນທ້ອງຖິ່ນໃນດ້ານການຊື້ເຮືອນ.
 |
