ເກີດເຫດລະເບີດຢູ່ໂບດ 3 ແຫ່ງຂອງອິນໂດເນເຊຍ ສົ່ງຜົນເຮັດໃຫ້ປະຊາຊົນເສຍຊີວິດແລະບາດເຈັບ 46 ຄົນ

ເຈົ້າໜ້າທີ່ຕຳຫຼວດອິນໂດເນເຊຍກ່າວໃນວັນທີ 13 ພຶດສະພານີ້ວ່າ, ໃນຕອນເຊົ້າມື້ດັ່ງກ່າວ, ໂບດ 3 ແຫ່ງຢູ່ເມືອງຊຸຣະບາຢາ ເທດສະບານແຂວງຈາວາຕາເວັນອອກໄດ້ຖືກໂຈມຕີດ້ວຍລະເບີດແບບສະຫຼະຊີບຕາມລຳດັບ ສົ່ງຜົນເຮັດໃຫ້ມີປະຊາຊົນເສຍຊີວິດ 8 ຄົນ,ແລະບາດເຈັບ 38 ຄົນ.

ເຈົ້າໜ້າທີ່ຕຳຫຼວດທ້ອງຖິ່ນກ່າວຕື່ມວ່າ,ໄດ້ມີຕຳຫຼວດທີ່ຍາມຢູ່ໂບດດັ່ງກ່າວເສຍຊີວິດ 2 ຄົນ. ຜົນການກວດກາໃນເບື້ອງຕົ້ນສະແດງໃຫ້ເຫັນວ່າ, ການໂຈມຕີດັ່ງກ່າວແມ່ນການໂຈມຕີແບບສະຫຼະຊີບ ເຊິ່ງຜູ້ກໍ່ເຫດໄດ້ຂັບລົດຈັກແລະລົດໃຫຍ່,ເຮັດຜູ້ກໍ່ເຫດເສຍຊີວິດທັນທີ.ໃນມື້ດັ່ງກ່າວ ເຈົ້າໜ້າທີ່ຕຳຫຼວດໄດ້ຈັບຕົວຜູ້ຕ້ອງສົງໄສຜູ້ໜຶ່ງທີ່ພວມກຽມຈະໂຈມຕີໂບດອີກແຫ່ງໜຶ່ງ. ມາຮອດປັດຈຸບັນນີ້, ຍັງບໍ່ມີອົງການຫຼືບຸກຄົນໃດໆປະກາດວ່າເປັນຜູ້ກໍ່ເຫດດັ່ງກ່າວ.