ວັນທີ 13 ພຶດສະພານີ້, ນັກວິຊາການ ແລະຜູ້ຊ່ຽວຊານຫຼາຍສິບຄົນຈາກວົງການການຄ້າໝິງໄດ້ປຶກສາຫາລືຢູ່ນະຄອນຄຸ່ນມິງແຂວງຢຸນນານເພື່ອເພີ່ມທະວີການພັດທະນາປະສົມກັນລະຫວ່າງຂະແໜງການແຂວງຢຸນນານ ແລະເຂດກວາງຊີຈີນກັບບັນດາປະເທດແມ່ນ້ຳລ້ານຊ້າງແມ່ນ້ຳຂອງ.
ດ້ານການເພີ່ມທະວີການປະສານສົມທົບກັນນັ້ນ, ທ່ານຫຼຸຍເຄິ້ຈຽນ ອະດີດຫົວໜ້າກົມອາຊີກະຊວງການຄ້າຈີນກ່າວວ່າ: ບັນດາປະເທດອະນຸພາກພື້ນແມ່ນ້ຳຂອງແມ່ນປະເທດທີ່ເຂົ້າຮ່ວມ ແລະໄດ້ຮັບຜົນປະໂຫຍດຈາກການສ້າງ "ໜຶ່ງແລວໜຶ່ງເສັ້ນທາງ" ກ່ອນໝູ່, ສະນັ້ນ, ແຂວງຢຸນນານ ແລະເຂດກວາງຊີຄວນລົງເລິກການຮ່ວມມືກັບບັນດາປະເທດທີ່ອ້ອມຂ້າງໃນຂົງເຂດຕ່າງໆ ຄື: ພື້ນຖານໂຄງລ່າງ, ການປຸ່ງແຕ່ງ, ການຄ້າ, ການຜະລິດຢາຊີວະພາບ, ການທ່ອງທ່ຽວ, ການທະນາຄານ ແລະອື່ນໆ.
ທ່ານຮວາງເຊີ້ງຊຽງ ຫົວໜ້າຄະນະພາສີສະຖາບັນພາສີຊຽງໄຮສະເໜີວ່າ: ແຂວງຢຸນນານ ແລະເຂດກວາງຊີຄວນຖືດ່ານຊາຍແດນ ແລະດ່ານແຄມທະເລເປັນໃຈກາງໃນການແຂ່ງຂັນຫຼັກໃນການພັດທະນາຂອງທ້ອງຖິ່ນ, ບໍ່ພຽງແຕ່ພັດທະນາການຄ້າລະຫວ່າງສອງຝ່າຍເທົ່ານັ້ນ, ຍັງຈະກາຍເປັນຊ່ອງໃນການພັດທະນາທາງການຄ້າສາກົນອີກດ້ວຍ.
 |
