ກອງປະຊຸມສຳມະນາສາກົນ "ທາງອອກ ແລະ ອະນາຄົດຂອງບັນຫາຊີຣີ" ໄດ້ຈັດຂຶ້ນເປັນຄັ້ງທຳອິດຢູ່ນະຄອນຊຽງໄຮປະເທດຈີນແຕ່ວັນທີ 13 ຫາ 14 ພຶດສະພານີ້ ໂດຍແບ່ງເປັນ 3 ຫົວຂໍ້ ຄື: ທາງອອກໃນການແກ້ໄຂບັນຫາຊີຣີ, ປັດໄຈຕົ້ນຕໍທີ່ມີຜົນສະທ້ອນຕໍ່ການແກ້ໄຂບັນຫາຊີຣີ ແລະ ບົດບາດຂອງປະຊາຄົມໂລກໃນບັນຫາຊີຣີ.
ທ່ານເຊ້ຍສຽວແຢນ ທູດພິເສດຈີນກ່ຽວກັບບັນຫາຊີຣີກ່າວວ່າ, ລັດຖະບານຈີນເຫັນດີມາໂດຍຕະຫຼອດວ່າ, ການແກ້ໄຂບັນຫາຊີຣີທາງການເມືອງເປັນທາງອອກທີ່ດີທີ່ສຸດພຽງໜຶ່ງດຽວ, ຕ້ອງເຄົາລົບ ແລະ ປົກປັກຮັກສາອະທິປະໄຕ, ເອກະລາດ ແລະ ຜືນແຜ່ນດິນອັນຄົບຖ້ວນຂອງຊີຣີ, ອະນາຄົດຂອງຊີຣີຄວນໃຫ້ປະຊາຊົນຊີຣີຕັດສິນເອງ ແລະ ອົງການສະຫະປະຊາຊາດຄວນເສີມຂະຫຍາຍບົດບາດໄກ່ເກ່ຍຫຼັກໃນບັນຫາຊີຣີ.
 |
