ວັນທີ 14 ພຶດສະພານີ້ຢູ່ນະຄອນຫຼວງປັກກິ່ງ, ທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານບານກີມູນ ປະທານຄະນະມົນຕີເວທີປຶກສາຫາລືອາຊີໂປອາວຄົນໃໝ່.
ທ່ານວາງຢີ້ຊົມເຊີຍທ່ານບານກີມູນທີ່ໄດ້ຮັບເລືອກຕັ້ງເປັນປະທານຄະນະມົນຕີເວທີປຶກສາຫາລືອາຊີໂປອາວ ທັງຢືນຢັນວ່າ: ຕະຫຼອດໄລຍະ 17 ປີທີ່ເວທີປຶກສາຫາລືອາຊີໂປອາວສ້າງຕັ້ງຂຶ້ນມານີ້ໄດ້ຮັບຄວາມກ້າວໜ້າຢ່າງໃຫຍ່ຫຼວງ. ຫວັງວ່າພາຍໃຕ້ການນຳພາຂອງຄະນະມົນຕີຊຸດໃໝ່, ເວທີປຶກສາຫາລືອາຊີໂປອາວ ຈາກການຕັ້ງຈຸດຢືນຢູ່ອາຊີ,ຫັນໜ້າສູ່ໂລກ ຈະຂະຫຍາຍຕົວໄປສູ່ການຕາງໜ້າອາຊີແລະກ້າວໄປສູ່ໂລກ,ແລະປະກອບສ່ວນໃຫຍ່ຫຼວງກວ່າເກົ່າເພື່ອຄົ້ນຄວ້າແລະແກ້ໄຂບັນຫາທີ່ອາຊີແລະທົ່ວໂລກພວມຜະເຊີນໜ້າ. ຈີນໃນຖານະເປັນປະເທດເຈົ້າພາບເວທີປຶກສາຫາລືອາຊີໂປອາວ ຈະສືບຕໍ່ສະໜັບສະໜູນການພັດທະນາຂອງເວທີປຶກສາຫາລືຄືທີ່ໄດ້ປະຕິບັດຜ່ານມາ. ທ່ານບານກີມູນຢືນຢັນວ່າ, ໃນຊຸມປີມໍ່ໆມານີ້, ສະຖານະການສາກົນໄດ້ມີການປ່ຽນແປງຢ່າງໃຫຍ່ຫຼວງ, ບົດບາດແລະອິດທິພົນຂອງຈີນໄດ້ກ້າວຂຶ້ນສູ່ແຖວໜ້າຂອງໂລກ. ເວທີປຶກສາຫາລືອາຊີໂປອາວຈະເສີມຂະຫຍາຍບົດບາດຂອງຕົນທີ່ເປັນເວທີການສົນທະນາລະຫວ່າງວົງການການເມືອງ, ວົງການທຸລະກິດແລະວົງການວິຊາການ,ສະເໜີແຜນງານໂປອາວເພື່ອສົ່ງເສີມການພັດທະນາອາຊີກໍຄືໂລກ.
 |
