ວັນທີ 12 ພຶດສະພານີ້, ກະຊວງການຕ່າງປະເທດສປປ.ເກົາຫຼີໄດ້ອອກຖະແຫຼງການວ່າ: ຈະເລືອກວັນທີ່ມີອາກາດໂປ່ງໃສດີແຕ່ວັນທີ 23 ຫາວັນທີ 25 ພຶດສະພານີ້, ເພື່ອຈັດພິທີເລີກສະໜາມທົດລອງນິວເຄຼຍພູງກີລີຖິ້ມ ແລະເຊີນນັກຂ່າວຈີນ, ຣັດເຊຍ, ອາເມລິກາ, ອັງກິດ ແລະສ.ເກົາຫຼີມາເກັບກຳຂ່າວ.
ຕໍ່ເລື່ອງນີ້, ທ່ານລູ້ຄ່າງ ໂຄສົກກະຊວງການຕ່າງເທດຈີນກ່າວໃນກອງປະຊຸມຂ່າວໃນວັນທີ 14 ພຶດສະພານີ້ວ່າ: ມາດຕະການທີ່ກ່ຽວຂ້ອງຂອງສປປ.ເກົາຫຼີໄດ້ສະແດງຄວາມຈິງໃຈທາງດ້ານການປອດນິວເຄຼຍຂອງແຫຼມເກົາຫຼີ ແລະສ້າງຄວາມໄວ້ເນື້ອເຊື່ອໃຈກັນລະຫວ່າງບັນດາຝ່າຍ ເຊິ່ງຈະມີຜົນດີຕໍ່ການແກ້ໄຂບັນຫາແຫຼມເກົາຫຼີດ້ວຍວິທີການເມືອງ, ສະນັ້ນ ຄວນໄດ້ຮັບຄວາມຊົມເຊີຍ ແລະການສະໜັບສະໜູນຈາກປະຊາຄົມໂລກ.
 |
