ກອງປະຊຸມເຈົ້າໜ້າທີ່ອາວຸໂສເພື່ອກຽມຄວາມພ້ອມໃຫ້ແກ່ກອງປະຊຸມຮ່ວມມືສອງຝ່າຍລາວ-ຈີນ ລະຫວ່າງກະຊວງປ້ອງກັນຄວາມສະຫງົບລາວ ແລະ ຈີນໄດ້ຈັດຂຶ້ນຢູ່ນະຄອນຫຼວງວຽງຈັນໃນວັນທີ 13 ພຶດສະພານີ້. ສອງຝ່າຍໄດ້ລົງເລິກແລກປ່ຽນຄວາມເຫັນໃນຂົງເຂດປະຕິບັດກົດໝາຍ ແລະ ປ້ອງກັນຄວາມສະຫງົບ ເຊິ່ງໄດ້ບັນລຸຄວາມເຫັນເປັນເອກະພາບກັນຢ່າງກວ້າງຂວາງ.
ສອງຝ່າຍເຫັນດີເພີ່ມຄວາມເຂັ້ມງວດໃນການປາບປາມຄະດີຕົວະຕົ້ມທາງໂທລະຄົມ ແລະ ອິນເຕີເນັດ, ການຄ້າມະນຸດຂ້າມຊາດ ແລະ ການເຂົ້າອອກຊາຍແດນຜິດກົດໝາຍ; ເພີ່ມທະວີການຮ່ວມມືໃນການປ້ອງກັນຄວາມໝັ້ນຄົງແຫ່ງຊາດ, ການຕ້ານລັດທິກໍ່ການຮ້າຍ, ການຄຸ້ມຄອງຊາວຍ້າຍຖິ່ນຖານ ແລະ ອື່ນໆ; ສ້າງກົນໄກຮ່ວມມືປ້ອງກັນຄວາມປອດໄພຂອງໂຄງການສຳຄັນໃນການສ້າງ "ໜຶ່ງແລວໜຶ່ງເສັ້ນທາງ"; ສືບຕໍ່ເພີ່ມທະວີການລາດຕະເວນ ແລະ ຄວບຄຸມຮ່ວມຢູ່ເຂດຊາຍແດນ, ລົງເລິກການຮ່ວມມືດ້ານປະຕິບັດກົດໝາຍ ແລະ ປ້ອງກັນຄວາມປອດໄພຕາມລຳແມ່ນ້ຳຂອງ; ເພີ່ມທະວີການແລກປ່ຽນຂ່າວລັບ ແລະ ຮ່ວມມືກັນໃນການແກ້ໄຂຄະດີປາບປາມຢາເສບຕິດ, ສືບຕໍ່ຊຸກຍູ້ການປາບປາມຢາເສບຕິດຮ່ວມ ເພື່ອສ້າງ "ທາງເດີນເຮືອທີ່ປອດໄພ"; ສ້າງ ແລະ ປັບປຸງກົນໄກຮ່ວມມືປະຕິບັດກົດໝາຍລະຫວ່າງຕຳຫຼວດທ້ອງຖິ່ນຈີນ-ລາວໃຫ້ສົມບູນຂຶ້ນ.
 |
