ກອງປະຊຸມສະຖາບັນຂົງຈື້ອາຟຣິກາປີ 2018 ໄດ້ຈັດຂຶ້ນຢູ່ນະຄອນຫຼວງມາປູໂຕປະເທດໂມຊຳບິກໃນຕອນບ່າຍວັນທີ 14 ພຶດສະພານີ້ຕາມເວລາທ້ອງຖິ່ນ ໂດຍມີອະທິການບໍດີທັງຈີນແລະຕ່າງປະເທດ, ຫົວໜ້າວິທະຍາໄລຕ່າງໆ 60 ກວ່າແຫ່ງຈາກ 41 ປະເທດອາຟຣິກາ ແລະ ຜູ້ຕາງໜ້າວິສາຫະກິດ ແລະ ອົງການຈັດຕັ້ງຈີນແລະອາຟຣິກາ 300 ກວ່າຄົນເຂົ້າຮ່ວມ ເຊິ່ງຫຼາຍກວ່າທຸກຄັ້ງທີ່ຜ່ານມາ. ທ່ານລີ້ຈ້ານຊູ່ ປະທານຄະນະປະຈຳສະພາປະຊາຊົນແຫ່ງຊາດຈີນທີ່ພວມຢ້ຽມຢາມໂມຊຳບິກ ແລະ ທ່ານເວີຣັນເຊຍ ມາກາໂມ ປະທານສະພາແຫ່ງຊາດໂມຊຳບິກໄດ້ເຂົ້າຮ່ວມ.
ກອງປະຊຸມຄັ້ງນີ້ຈະດຳເນີນໄປເປັນເວລາ 2 ວັນ, ຜູ້ເຂົ້າຮ່ວມກອງປະຊຸມຈະປຶກສາຫາລືກັນ ໂດຍປິ່ນອ້ອມຫົວຂໍ້ຕ່າງໆ ເຊັ່ນ: ການປະດິດສ້າງໃໝ່ ແລະ ການພັດທະນາທີ່ມີລັກສະນະພິເສດຂອງສະຖາບັນຂົງຈື້, ຍົກສູງຄຸນນະພາບຂອງສະຖາບັນຂົງຈື້, ເພີ່ມທະວີການຮ່ວມມື ແລະ ແບ່ງປັນບົດຮຽນ ແລະ ປະສົບການລະຫວ່າງສະຖາບັນຂົງຈື້ ແລະ ອື່ນໆ.
 |
