ວັນທີ 15 ພຶດສະພານີ້ຢູ່ນະຄອນຫຼວງປັກກິ່ງ, ທ່ານວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ພົບປະຫາລືກັບທ່ານໂຢເຊັຟ ອາລາວີ ອັບດູນລາ ລັດຖະມົນຕີກະຊວງການຕ່າງປະເທດລາຊະອານາຈັກໂອມານ.
ທ່ານວາງຢີ້ຢືນຢັນວ່າ ຈີນຍິນດີຖືໂອກາດທີ່ຈີນ-ໂອມານສ້າງຕັ້ງສາຍພົວພັນທາງການທູດຄົບຮອບ 40 ປີ, ປັບປຸງຄວາມໄວ້ເນື້ອເຊື່ອໃຈກັນທາງການເມືອງໃຫ້ໝັ້ນຄົງຂຶ້ນຕື່ມ, ຄຳນຶງເຖິງຜົນປະໂຫຍດໃຈກາງແລະຄວາມສົນໃຈທີ່ສຳຄັນຂອງແຕ່ລະຝ່າຍ, ຮ່ວມກັນສ້າງ "ໜຶ່ງແລວໜຶ່ງເສັ້ນທາງ"ເພື່ອຊຸກຍູ້ການຮ່ວມມືຕົວຈິງໃນບັນດາຂົງເຂດລະຫວ່າງສອງປະເທດ.
ທ່ານອາລາວີກ່າວວ່າ, ໂອມານຈະຕັ້ງໜ້າເຂົ້າຮ່ວມການສ້າງ "ໜຶ່ງແລວໜຶ່ງເສັ້ນທາງ",ຍົກລະດັບການຮ່ວມມືລະຫວ່າງໂອມານ-ຈີນໃຫ້ສູງຂຶ້ນຢ່າງບໍ່ຢຸດຢັ້ງ.
ຫຼັງການພົບປະຫາລື, ສອງຝ່າຍໄດ້ຮ່ວມກັນລົງນາມໃນບົດບັນທຶກຄວາມເຂົ້າໃຈລະຫວ່າງລັດຖະບານສອງປະເທດວ່າດ້ວຍການຮ່ວມກັນຊຸກຍູ້ການສ້າງແລວທາງເສດຖະກິດເສັ້ນທາງສາຍໄໝກັບເສັ້ນທາງສາຍໄໝທາງທະເລໃນສະຕະວັດທີ 21.
 |
