ວັນທີ 15 ພຶດສະພານີ້ ຢູ່ຫໍສະພາປະຊາຊົນທີ່ປັກກິ່ງ, ທ່ານ ສີຈິ້ນຜິງ ປະທານປະເທດຈີນໄດ້ຕ້ອນຮັບການເຂົ້າພົບຂອງທ່ານ ບານກີມູນ ປະທານຄະນະມົນຕີຂອງເວທີປຶກສາຫາລືອາຊີໂປອາວ.
ທ່ານ ສີຈິ້ນຜິງ ຊີ້ວ່າ, ເວທີປຶກສາຫາລືອາຊີໂປອາວສ້າງຕັ້ງຂຶ້ນໃນຕົ້ນສະຕະວັດນີ້ ໂດຍມີເປົ້າໝາຍໃຫ້ບັນດາປະເທດອາຊີມີຄວາມເຂັ້ມແຂງຂຶ້ນ,ພ້ອມກັນຮ່ວມກັນຮັບມືກັບສິ່ງທ້າທາຍແລະຍົກສູງອິດທິພົນຂອງອາຊີໃນໂລກ. ໃນຖານະເປັນປະເທດເຈົ້າພາບຈັດເວທີປຶກສາຫາລື, ຈີນໄດ້ສະໜັບສະໜູນວຽກງານຄະນະມົນຕີຂອງເວທີປຶກສາຫາລືມາໂດຍຕະຫຼອດ, ສະໜັບສະໜູນການຍົກອິດທິພົນໃຫ້ສູງຂຶ້ນຢ່າງບໍ່ຢຸດຢັ້ງ.
ທ່ານ ສີຈິ້ນຜິງ ຊີ້ວ່າ, ປະຕູຂອງຈີນຈະບໍ່ປິດ,ມີແຕ່ນັບມື້ນັບເປີດກວ້າງອອກ. ພວກຂ້າພະເຈົ້າເດັດດ່ຽວສະໜັບສະໜູນລັດທິຫຼາຍຝ່າຍ,ປົກປັກຮັກສາໂຄງປະກອບການຄ້າຫຼາຍຝ່າຍ,ສ້າງເສດຖະກິດໂລກແບບເປີດປະຕູ,ສຸມໃສ່ຊຸກຍູ້ເສດຖະກິດໂລກາພິວັດໃຫ້ພັດທະນາໄປຕາມທິດທີ່ຍິ່ງເປີດປະຕູ,ກວມລວມ,ຕ່າງຝ່າຍຕ່າງມີຜົນປະໂຫຍດ ແລະ ມີຄວາມດຸ່ນດ່ຽງ.
ທ່ານ ບານກີມູນ ກ່າວວ່າ, ຂໍສະແດງຄວາມຂອບໃຈຕໍ່ລັດຖະບານຈີນທີ່ໃຫ້ການສະໜັບສະໜູນແກ່ເວທີປຶກສາຫາລືອາຊີໂປອາວຢ່າງແຂງແຮງ. ພາຍໃຕ້ສະຖານະການໃນປັດຈຸບັນ, ເວທີປຶກສາຫາລືອາຊີໂປອາວຄວນສົ່ງສັນຍານທີ່ຈະແຈ້ງໃນການສະໜັບສະໜູນໂລກາພິວັດ,ສະໜັບສະໜູນການຄ້າເສລີ, ຄວນນຳໃຊ້ຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ຂອງຈີນຢ່າງເຕັມສ່ວນ, ຊຸກຍູ້ໃຫ້ຮັກສາການເປີດປະຕູແລະການປະດິດສ້າງໃໝ່ຂອງອາຊີ, ເພື່ອບັນລຸການພັດທະນາທີ່ດີກວ່າເກົ່າ.
 |
