ກອງປະຊຸມເວທີປຶກສາຫາລືແມ່ຍິງອົງການຮ່ວມມືຊຽງໄຮຄັ້ງທຳອິດໄດ້ໄຂຂຶ້ນຢູ່ນະຄອນຫຼວງປັກກິ່ງໃນວັນທີ 16 ພຶດສະພານີ້, ໂດຍເນັ້ນຫົວຂໍ້ "ເຕົ້າໂຮມກຳລັງແມ່ຍິງ ຊຸກຍູ້ການພັດທະນາຮ່ວມ". ຜູ້ຕາງໜ້າຈາກປະເທດສະມາຊິກອົງການຮ່ວມມືຊຽງໄຮ,ປະເທດຜູ້ສັງເກດການ ແລະ ອົງການສະຫະພັນແມ່ຍິງຕ່າງໆ 200 ກວ່າທ່ານເຂົ້າຮ່ວມ ຜູ້ເຂົ້າຮ່ວມປະຊຸມໄດ້ມີການແລກປ່ຽນຄວາມຄິດເຫັນກ່ຽວກັບຫົວຂໍ້ຕ່າງໆເຊັ່ນ: ແມ່ຍິງແລະການພັດທະນາດ້ວຍການປະດິດສ້າງໃໝ່,ແມ່ຍິງແລະໂລກແຫ່ງຄວາມສວຍງາມ,ແມ່ຍິງແລະການຮ່ວມມືແບບຕ່າງຝ່າຍຕ່າງມີຜົນປະໂຫຍດແລະຫົວຂໍ້ອື່ນໆ.
ທ່ານນາງ ເສີນເຢວ້ເຢວ້ ຮອງປະທານຄະນະກຳມະການປະຈຳສະພາປະຊາຊົນແຫ່ງຊາດ ປະທານສະຫະພັນແມ່ຍິງແຫ່ງຊາດຈີນໄດ້ກ່າວຄຳປາໄສໃນພິທີເປີດວ່າ,ຫວັງວ່າຈະສາມາດຜ່ານກອງປະຊຸມເວທີປຶກສາຫາລືແມ່ຍິງ,ລົງເລິກການແລກປ່ຽນໃນຂົງເຂດແມ່ຍິງຂອງອົງການຮ່ວມມືຊຽງໄຮຕື່ມອີກ,ເພີ່ມທະວີການແລກປ່ຽນແລະການຮ່ວມມືລະຫວ່າງບັນດາປະເທດໃນອົງການດັ່ງກ່າວໃຫ້ມີຄວາມອຸດົມສົມບູນຂຶ້ນ,ອຸທິດກຳລັງແມ່ຍິງເພື່ອສ້າງຄວາມຜາສຸກໃຫ້ແກ່ປະຊາຊົນຂອງປະເທດໃນອົງການ, ແລະຊຸກຍູ້ການສ້າງປະຊາຄົມຮ່ວມຊາຕາກຳມວນມະນຸດ.
 |
