ທູດພິເສດອົງການສະຫະປະຊາຊາດກ່າວປະນາມການປະທະກັນດ້ວຍຄວາມຮຸນແຮງທີ່ເກີດຂຶ້ນຢູ່ເຂດກາຊາ

ວັນທີ 15 ພຶດສະພານີ້, ທ່ານນິໂກລາ ມາລາເດີນ໋ອບ ຜູ້ໄກ່ເກ່ຍພິເສດຂະບວນການສັນຕິພາບເຂດຕາເວັນອອກກາງຂອງອົງການສະຫະປະຊາຊາດກ່າວປະນາມຕໍ່ເຫດການປະທະກັນດ້ວຍຄວາມຮຸນແຮງທີ່ເກີດຂຶ້ນລະຫວ່າງຊາວປາເລັສຕິນແລະກອງປ້ອງກັນຄວາມສະຫງົບອິສຣາແອນຢູ່ເຂດກາຊາໃນວັນທີ 14 ພຶດສະພານີ້.

ທ່ານ ມາລາເດີນ໋ອບ ກ່າວວ່າ, ວັນທີ 14 ພຶດສະພາສຳລັບປະຊາຊົນທີ່ອາໄສຢູ່ເຂດກາຊາແມ່ນ "ວັນເຄາະຮ້າຍ", ຕາມຂ່າວແຈ້ງວ່າ, ຢ່າງໜ້ອຍມີ 60 ຄົນເສຍຊີວິດໃນການປະທະກັນທີ່ເກີດຂຶ້ນໃນມື້ຜ່ານມາ, ໃນນັ້ນລວມທັງເດັກນ້ອຍ 6 ຄົນ, ແລະບາດເຈັບ 1300 ກວ່າຄົນ.

ທ່ານ ມາລາເດີນ໋ອບ ກ່າວຕື່ມວ່າ, ອິສຣາແອນບໍ່ຄວນໃຊ້ກຳລັງອາວຸດຫຼາຍເກີນໄປ. ຂະນະດຽວກັນທ່ານຍັງຮຽກຮ້ອງໃຫ້ອົງການຮາມັສບໍ່ຄວນຖືການປະທ້ວງຂອງປະຊາຊົນມາເປັນສິ່ງບິດເບືອນໃນການເຄື່ອນໄຫວຂອງຕົນ.