ວັນທີ 16 ພຶດສະພານີ້ ຢູ່ໂຮງຮຽນມັດຖະຍົມຕອນປາຍແຫ່ງໜຶ່ງຂອງເມືອງດິກຊັນ ລັດອີລີນອຍ ສະຫະລັດອາເມລິກາໄດ້ເກີດເຫດຍິງກັນ, ເຈົ້າໜ້າທີ່ຕຳຫຼວດປະຈຳໂຮງຮຽນໄດ້ຄຸມຕົວມືປືນໄວ້ໄດ້ທັນການ, ຈິ່ງບໍ່ມີນັກຮຽນແລະຄູອາຈານໄດ້ຮັບບາດເຈັບຫຼືເສຍຊີວິດ. ເຈົ້າໜ້າທີ່ຕຳຫຼວດບໍ່ໄດ້ເປີດເຜີຍຖານະຂອງມືປືນ ແລະກຳລັງສືບສວນສອບສວນຫາສາເຫດຂອງມືປືນໃນການກໍ່ເຫດຄັ້ງນີ້.
ສື່ມວນຊົນທ້ອງຖິ່ນໄດ້ອ້າງຕາມຄຳເວົ້າຂອງນັກຮຽນຜູ້ເຫັນເຫດການມາລາຍງານວ່າ: ມືປືນເປັນນັກຮຽນຜູ້ໜຶ່ງທີ່ຖືກທາງໂຮງຮຽນໄລ່ອອກແລ້ວ, ໃນເວລາເກີດເຫດ,ນັກຮຽນແລະຄູອາຈານຂອງຫ້ອງທີ່ຈະຮຽນຈົບໃນປີນີ້ ກຳລັງຝຶກຊ້ອມກຽມພິທີຈົບຮຽນໃນສູນກິລາ, ຖ້າຫາກມືປືນບໍ່ຖືກຄຸມຕົວໄວ້ໄດ້ຢ່າງທັນການ ກໍອາດຈະເກີດຜົນຮ້າຍໜັກໜ່ວງທີ່ບໍ່ຄາດຄິດ.
 |
