ເມືອງບາກັນ ປະເທດມຽນມາຖືກຂະໜານນາມວ່າເປັນ "ເມືອງແຫ່ງໝື່ນພະທາດ" ແມ່ນມໍລະດົກວັດທະນະທຳປະຫວັດສາດທີ່ລ້ຳຄ່າຂອງມຽນມາ. ເພື່ອໃຫ້ການຮ້ອງຂໍເມືອງບາກັນເປັນມໍລະດົກວັດທະນະທຳໂລກຢ່າງປະສົບຜົນສຳເລັດໃນປີ 2019 ເມື່ອບໍ່ດົນມານີ້, ຫໍພິພິທະພັນແຫ່ງຊາດມຽນມາ ຢູ່ນະຄອນຢາງກຸ້ງ ຈຶ່ງໄດ້ຈັດງານວາງສະແດງຮູບຖ່າຍທີ່ມີຫົວຂໍ້ວ່າ "ບາກັນໃນດວງໃຈຂອງຂ້ອຍ".
ໃນງານວາງສະແດງດັ່ງກ່າວມີຮູບຖ່າຍ 200 ກວ່າຮູບ ໂດຍກວມເອົາເນື້ອໃນຫຼາຍດ້ານ ເຊັ່ນ ທິວທັດທຳມະຊາດ, ສິລະປະການສ້າງພະທາດ ແລະ ຮີດຄອງປະເພນີ-ວັດທະນະທຳດັ້ງເດີມ ຂອງເມືອງບາກັນ ນອກນີ້, ຍັງສະແດງໃຫ້ເຫັນເຖິງກຳມະວິທີຫຼາຍຂັ້ນຕອນໃນການສ້າງພະທາດທີ່ຍອດຢ້ຽມ ແລະ ຮູບແຕ້ມຝາຜະໜັງທີ່ງາມປານີດໃນພະທາດຕ່າງໆ ໂດຍຜ່ານວີດີໂອ ແລະ ເຕັກໂນໂລຊີ VR .
ມຽນມາເຄີຍຮ້ອງເອົາເມືອງບາກັນເປັນມໍລະດົກວັດທະນະທຳໂລກໃນປີ 1995 ແຕ່ບໍ່ປະສົບຜົນສຳເລັດ. ຫຼັງຈາກໄດ້ກະກຽມມາເປັນເວລາ 10 ກວ່າປີ ດັ່ງນັ້ນ, ປີນີ້ມຽນມາຈຶ່ງຮ້ອງຂໍອີກເທື່ອໜຶ່ງ.
