ວັນທີ 17 ພຶດສະພານີ້, ກະຊວງການຄ້າຈີນໄດ້ເປີດເຜີຍຂໍ້ມູນໃໝ່ວ່າ: ໃນ 4 ເດືອນຕົ້ນປີ 2018 ຈີນໄດ້ບັນລຸມູນຄ່າການລົງທຶນຢູ່ຕ່າງປະເທດເຖິງ 35,58 ຕື້ໂດລາສະຫະລັດ, ເພີ່ມຂຶ້ນ 34,9% ທຽບໃສ່ໄລຍະດຽວກັນຂອງປີຜ່ານມາ, ຈັງຫວະການເຕີບໂຕເພີ່ມຂຶ້ນ 10,8% ທຽບໃສ່ໄຕມາດທີໜຶ່ງໃນປີ 2018 ແລະຮັກສາການເພີ່ມຂຶ້ນເປັນເວລາ 6 ເດືອນລຽນຕິດ.
ເຈົ້າໜ້າທີ່ກະຊວງການຄ້າຈີນກ່າວວ່າ: ການລົງທຶນຢູ່ຕ່າງປະເທດຂອງຈີນກຳລັງຮັກສາການພັດທະນາຢ່າງໝັ້ນທ່ຽງ.
ເຈົ້າໜ້າທີ່ກົມການຮ່ວມມືຂອງກະຊວງການຄ້າຈີນຊີ້ໃຫ້ເຫັນວ່າ: ຄາດວ່າມູນຄ່າການລົງທຶນຢູ່ຕ່າງປະເທດຂອງຈີນໃນປີ 2018 ຈະຟື້ນຟູໃນຈັງຫວະການເຕີບໂຕທີ່ສູງກວ່າ.
 |
