ທ່ານກິມເກກວນ ຮອງລັດຖະມົນຕີຜູ້ທີໜຶ່ງກະຊວງການຕ່າງປະເທດ ສປປ ເກົາຫຼີຖະແຫຼງໃນວັນທີ 16 ພຶດສະພານີ້ວ່າ, ຖ້າລັດຖະບານທຣຳບັງຄັບໃຫ້ ສປປ ເກົາຫຼີປະລະນິວເຄຼຍແຕ່ຝ່າຍດຽວ, ສປປ ເກົາຫຼີອາດຈະພິຈາລະນາຄືນວ່າຈະເຂົ້າຮ່ວມການພົບປະລະຫວ່າງຜູ້ນຳ ສປປ ເກົາຫຼີ-ອາເມລິກາຫຼືບໍ່.
ທ່ານກິມເກກວນກ່າວວ່າ, ກ່ອນທີ່ຈະຈັດການພົບປະລະຫວ່າງຜູ້ນຳ ສປປ ເກົາຫຼີກັບອາເມລິກາ, ອາເມລິກາໄດ້ກ່າວຖ້ອຍຄວາມຮຸນແຮງທີ່ສຸດຢ່າງບັງອາດຕໍ່ຄູ່ການພົບປະ ເປັນການກະທຳທີ່ບໍ່ເໝາະສົມທີ່ສຸດ. ກ່ອນໜ້ານີ້, ທ່ານຈອນ ໂບນຕັນ ຜູ້ຊ່ວຍວຽກງານຄວາມໝັ້ນຄົງແຫ່ງຊາດຂອງປະທານາທິບໍດີອາເມລິກາເຄີຍສະເໜີ "ຮູບການປອດນິວເຄຼຍລີບີ" ເປັນຕົ້ນ ທີ່ມີຫຼັກການ "ປອດນິວເຄຼຍແລ້ວຈິ່ງມີການຊົດເຊີຍ", ຫາກບໍ່ແມ່ນມີເຈດຈຳນົງຜ່ານການສົນທະນາກັນເພື່ອແກ້ໄຂບັນຫາ. ອາເມລິກາສິ້ນສຸດນະໂຍບາຍເປັນປໍລະປັກກັບ ສປປ ເກົາຫຼີ ແລະ ສິ້ນສຸດການນາບຂູ່ທາງນິວເຄຼຍ ຕໍ່ ສປປ ເກົາຫຼີ ເປັນເງື່ອນໄຂທີ່ເຮັດໃຫ້ແຫຼມເກົາຫຼີປອດນິວເຄຼຍ.
 |
