CRIລາຍງານວ່າ:ວັນທີ 17 ພຶດສະພານີ້ຢູ່ນະຄອນຫຼວງອັສທານາ ແຫ່ງ ສາທາລະນະລັດກາຊັກສະຖານ, ທ່ານຟູ້ຈື້ຢີ້ງ ຜູ້ຕາງໜ້າເຈລະຈາການຄ້າສາກົນ ທັງເປັນຮອງລັດຖະມົນຕີກະຊວງການຄ້າຈີນແລະທ່ານຕີກຣານ ຊາຣກິສຢັງ ປະທານຄະນະບໍລິຫານງານຄະນະກຳມະການເສດຖະກິດເອີຣົບອາຊີ ແລະຜູ້ຕາງໜ້າບັນດາປະເທດສະມາຊິກສະຫະພັນເສດຖະກິດເອີຣົບອາຊີໄດ້ຮ່ວມກັນລົງນາມໃນສັນຍາຮ່ວມມືດ້ານເສດຖະກິດການຄ້າ ເຊິ່ງຖືເປັນການຈັດວາງລະບຽບການທີ່ສຳຄັນໃນດ້ານເສດຖະກິດການຄ້າເປັນຄັ້ງທຳອິດລະຫວ່າງຈີນແລະສະຫະພັນເສດຖະກິດເອີຣົບອາຊີ ແລະເປັນຂີດໝາຍສະແດງໃຫ້ເຫັນວ່າ ການຮ່ວມມືດ້ານເສດຖະກິດການຄ້າລະຫວ່າງຈີນແລະສະຫະພັນເສດຖະກິດເອີຣົບອາຊີພ້ອມດ້ວຍປະເທດສະມາຊິກຂອງອົງການນີ້ໄດ້ຂະຫຍາຍຕົວຈາກການຊຸກຍູ້ດ້ວຍໂຄງການເຂົ້າສູ່ໄລຍະໃໝ່ທີ່ນຳພາຈາກລະບຽບການ ແລະມີຄວາມໝາຍສຳຄັນທີ່ເປັນຂີດໝາຍໃນການຊຸກຍູ້ການຮ່ວມມືເຊື່ອມຕໍ່ກັນລະຫວ່າງການສ້າງ "ໜຶ່ງແລວໜຶ່ງເສັ້ນທາງ"ກັບການສ້າງສະຫະພັນເສດຖະກິດເອີຣົບອາຊີ.
ຫຼັງຈາກເຊັນສັນຍາແລ້ວ, ສອງຝ່າຍຈະເລັ່ງລັດປະຕິບັດຂັ້ນຕອນພາຍໃນປະເທດຕົນເພື່ອເຮັດໃຫ້ສັນຍາສະບັບນີ້ເກີດຜົນສັກສິດແລະປະກາດໃຊ້ໃນຕົ້ນປີໜ້າ.
 |
