ກອງປະຊຸມຜູ້ນຳພາກສ່ວນປາບປາມຢາເສບຕິດປະເທດສະມາຊິກອົງການຮ່ວມມືຊຽງໄຮຄັ້ງທີ 8 ບັນລຸຄວາມຮັບຮູ້ຢ່າງເປັນເອກະພາບ 4 ຂໍ້
2018-05-18 11:31:14 cri
ກອງປະຊຸມຜູ້ນຳພາກສ່ວນປາບປາມຢາເສບຕິດຂອງປະເທດສະມາຊິກອົງການຮ່ວມມືຊຽງໄຮຄັ້ງທີ 8 ໄດ້ຈັດຂຶ້ນຢູ່ນະຄອນທຽນສິນຂອງຈີນໃນວັນທີ 17 ພຶດສະພານີ້. ໂດຍກອງປະຊຸມຄັ້ງນີ້ໄດ້ບັນລຸຄວາມຮັບຮູ້ຢ່າງເປັນເອກະພາບ 4 ຂໍ້ດັ່ງນີ້: ໄດ້ຕີລາຄາຢ່າງຕັ້ງໜ້າຕໍ່ກອງປະຊຸມລະດັບສູງຄັ້ງທີ 2 ທີ່ອົງການຮ່ວມມືຊຽງໄຮແລະຫ້ອງການອົງການສະຫະປະຊາຊາດກ່ຽວກັບບັນຫາຢາເສບຕິດແລະອາຊະຍາກຳຮ່ວມກັນຈັດຂຶ້ນຢູ່ນະຄອນຫຼວງວຽນປະເທດໂອຕຼິສໃນວັນທີ 12 ມີນາປີນີ້; ໄດ້ເຫັນດີນຳບັນດາຝ່າຍທີ່ໄດ້ປຶກສາຫາລືຮ່າງຍັດຕິກ່ຽວກັບ "ການປ້ອງກັນບໍ່ໃຫ້ໃຊ້ຢ່າມືນແລະຢາປິ່ນປົວໂລກຈິດແບບທົ່ວໄປຂອງອົງການຮ່ວມມືຊຽງໄຮ",ສະໜັບສະໜູນໃຫ້ຍື່ນຮ່າງຍັດຕິດັ່ງກ່າວໄປຍັງກອງປະຊຸມຄະນະມົນຕີປະມຸລັກປະເທດສະມາຊິກອົງການຮ່ວມມືຊຽງໄຮເພື່ອຮັບການອະນຸມັດຕາມຂັ້ນຕອນ;ສະໜັບສະໜູນໜ່ວຍງານຊ່ຽວຊານຕ່າງໆໃນການເພີ່ມທະວີການຮ່ວມມືໃນຂົງເຂດຕ່າງໆເຊັ່ນ: ການແລກປ່ຽນຂ່າວລັບຂອງຄະດີຢາເສບຕິດ,ການຄຸ້ມຄອງແລະຄວບຄຸມຜະລິດຕະພັນເຄມີທີ່ເປັນພິດ,ການຫຼຸດຄວາມຕ້ອງການຕໍ່ຢາເສບຕິດແລະປັບປຸງກົດໝາຍໃຫ້ດີຂຶ້ນແລະຂົງເຂດອື່ນໆ; ກອງປະຊຸມໄດ້ຢ້ຳຈະເດັດດ່ຽວປົກປັກຮັກສາໂຄງປະກອບປາບປາມຢາເສບຕິດສາກົນໃນປັດຈຸບັນ,ປົກປັກຮັກສາອິດທິພົນຂອງສົນທິສັນຍາວ່າດ້ວຍການປາບປາມຢາເສບຕິດ 3 ສະບັບຂອງອົງການສະຫະປະຊາຊາດ,ຄັດຄ້ານຢາເສບຕິດຖືກຕ້ອງຕາມກົດໝາຍ.
